#پشتون_تاجیک_هزاره_ازبک_زنده_باد🇦🇫 په ايټاليا کې د پاکستاني پنجابي لخوا د سوځول شويو دريو افغان ځوانانو په تړاو زاويه نيوز د هغوی له ملګرو څخه تازه معلومات ترلاسه کړي دي. دغو دريو شهيدو شويو افغان ځوانانو د ايټاليا په سردينيا جزيره کې کار کاوه او دا چې تر اوسه يې اسناد نه لرل، نو په غير قانوني توګه يې له دغه پاکستاني سره کار کړی و او د مزد غوښتلو پر سر يې شخړه راغلې ده. دغلته مېشتو افغان ځوانانو زاويه نيوز ته وويل، قاتل د پاکستان پنجابی دی او ايټالوي پوليسو د پېښې په اړه دوه تنه نيولي دي. د ترلاسه شويو معلوماتو پر اساس، دغه درې شهيد شوي ځوانان يو په کومانډو مشهور و، دويم عصمت او درېيم فاضل نومېږي. د دوی يو د مزارشريف او دويم د ننګرهار د خوګياڼو دی. د دريم تن د ځای په اړه معلومات ندي ترلاسه شوي. د خپرو شويو معلوماتو پر اساس، دغه پېښه د ايټاليا په سويلي سيمه «کلبريا» کې رامنځته شوې ده. دوی ته په ژوند په موټر کې اور اچول شوی دی. په ايټاليا کې مېشتو افغان ځوانانو زاويه نيوز ته په استولي پیغام کې له ټولو اروپا مېشتو افغانانو د دغې قضيې د تعقيب او د قاتلینو د محاکمې لپاره د متحد کېدو غوښتنه کړې ده: «دا قضيه بايد عادي ونه نیول شي. ټول په اتحاد او اتفاق راپورته شئ.» #افغانستان #💔😭😭😭💔😭🇦🇫🇦🇫🇦🇫🇦🇫 - @user9740384675725