@itvti: دامها تستاهل الصوت الشجي وأنت الهواوي لاتشح بصوتك المشجون وأحساس التهوي غن وأطربها فداها الصمت وشعوري فداوي وأنت يفداك العذول وفدوتك شرهة عدوي لاعدمتك حل غربتها عن البال الرهاوي طالت الغيبة وصرت أرتاب وأخشى من هدوي قربها بعد الهموم وبعدها قرب البلاوي وأن تعالت مانزلت وقلت باقي في علوي شاعرًا مايفرك السبحه على فال الرجاوي وأن تهادى حن رعاده وبراقه مضوي ماتنازلت النزول ولا تدانيت لدناوي ولا حشمة الا قروم ولا طفت لطيب ضوي ولا عشقت الا فتاةٍ طبعها غير وحياوي والخجل سلسالها وأن قلت شيء تقول توي كن وسط عيونها عزوة شليويح العطاوي وأن خذاني رمشها عرفت ضعفي غير قوي الحلا ماتستوي معه السكاكر والحلاوي فارقه عن قطعة السّكر وسبحان المسوي زينها ماتشتريه بمال وأفكار وهقاوي وعقلها مال العبث في حروته ذيبٍ يعوي ماتغربها الضنون ولا تشرقها الحكاوي تدري أني جوها لاهمت وأدري هي جوي نايفه عن كل عيب وتنحشم عن كل غاوي نجمةٍ تسمو وتسمو بس ياصلها سموي #مرزوق_العتيبي | #fyp #هائِم_الروقي | #explore

6155

459

2026-06-04 05:43:52

2026-06-04 14:06:12

To see more videos from user @itvti, please go to the Tikwm homepage.