😨 Әділетсіздікке тап болдым деген түркістандық мұғалім сот залында өзін өlтірмек болды Түркістан облысында 24 жылдық еңбек өтілі бар мұғалімнің жұмыстан босатылуына қатысты дау бес айдан бері шешімін таппай келеді. Айтылған мәліметке сәйкес, М.Х. Дулати атындағы жалпы білім беретін мектептің мұғалімі Х. Еримбетов биыл қаңтар айында жұмыстан босатылған. Ол бұл шешіммен келіспей, Түркістан облыстық еңбек инспекциясына шағым түсірген. Еңбек инспекциясы тексеру нәтижесінде жұмыс беруші тараптың әрекеттерін заңсыз деп танып, мұғалімді қызметіне қайта орналастыру жөнінде екі рет нұсқама берген. Алайда аталған нұсқамалар орындалмаған. Осыған байланысты ұстаз сотқа жүгінген. Дегенмен оның айтуынша, еңбек дауына қатысты іс бес айға жуық уақыт өтсе де түпкілікті шешілмеген. 28 мамыр күні өткен сот отырысында Х. Еримбетов судьяға қарсылық білдіріп, сот залынан шығып кеткен. Кейін оған «сотқа бағынбау» бабы бойынша әкімшілік іс қозғалып, бес тәулікке қамауға алу туралы шешім шығарылған. Желіде тараған видеода үкім жарияланғаннан кейінгі жағдай көрсетілгені айтылуда. Мәлімет бойынша, ұзақ уақыт жұмыссыз жүрген мұғалім күйзеліске түсіп, қазіргі уақытта Ордабасы аудандық орталық ауруханасында ем қабылдап жатыр. - @qaz365kz