@jadoon011: چار دن تک وہ غم کے اس طوفان میں ایک چٹان بنے رہے۔ ہر آنے والے کو صبر کی تلقین کرتے رہے، ہر اشک بار آنکھ کو دلاسہ دیتے رہے، ہر ٹوٹے ہوئے دل کو سہارا دیتے رہے۔ یوں محسوس ہوتا تھا جیسے انہوں نے اپنے دکھ کو اپنے سینے میں قید کر رکھا ہو۔ مگر کل رات حارث کی یاد نے وہ دروازہ کھول دیا جس کے پیچھے درد کا ایک سمندر موجزن تھا۔ پوری رات جاگتے رہے، یادوں کے چراغ جلتے رہے، اور اسی کرب میں حارث کی جدائی پر چند اشعار قلم بند کر دیے۔ آج جب وہی اشعار زبان پر آئے تو لفظ ساتھ چھوڑ گئے، آواز رندھ گئی، آنکھیں برس پڑیں، اور صبر و استقامت کا وہ بلند پہاڑ بچوں کی طرح بلک بلک کر رونے لگا۔ اس لمحے محسوس ہوا کہ حارث صرف ایک بھتیجا نہیں تھا، وہ ان کے دل کا وہ ٹکڑا تھا جو اپنے ساتھ ان کی مسکراہٹیں، ان کی نیندیں، ان کا سکون اور ان کے وجود کا ایک حصہ بھی لے گیا