@amermaher5: الخراط خلص شغله والمكانيكي قفل الموتور... لكن المشكلة لسه موجودة جالي عميل بعربية كيا عامل طقم شنبر ووش السلندر متزود، وبيشتكي من ترتيلة على السلانسيه. بدأنا نفكر في الأسباب المعتادة: بوجيه، موبينة، رشاش، أو حتى رشاش بيسيل. لكن بعد التأكد من الحاجات دي كلها، لازم نرجع للأساس. الخطوة المهمة هنا هي قياس كبس الغرف. لو لقينا غرفة الكبس فيها أقل من باقي الأسطوانات، يبقى فيه احتمال كبير إن المشكلة من شغل وش السلندر أو الصبابات، وساعتها لازم يرجع للورشة اللي عملت الشغل لمراجعة الوش والصبابات والتأكد من إحكام القفل وعدم وجود تسريب. نصيحة مهمة: أي موتور تعرض لسخونة شديدة أو تم خرط وش السلندر أو عمل لحام، لازم تتأكد من حالة الصبابات والقواعد بعد الإصلاح، لأن أي مشكلة بسيطة فيها ممكن تعمل ترتيلة وتفقد الموتور جزء من كفاءته. انشر المعلومة عشان غيرك يستفيد، وماتبدأش تغيير قطع غيار قبل التشخيص الصحيح. #امير_ماهر #تعلم #صلحها_بنفسك #سيارات #هونداي