@spiderlinkhub1: မဟာသမယသုတ်ရွတ်ဖတ်ပူဇော်ခြင်း၏အကျိုး ဒီအကျိုး(၄)မျိုးဟာ မဟာသမယသုတ်ရွတ်တဲ့ သူတိုင်း ရရှိထားတဲ့ အမွှမ်းဂါထာမှာပါတဲ့အကျိုး တရားတွေဖြစ်ပါတယ်။ 1 ▶️မဟာသမယံ ရွတ်နာခံ ဧကန်သက်ရှည်မည်။ မဟာသမယသုတ်ရွတ်မယ်ဆိုရင်တော့ သက်တော် ရှည်ရှည်နေနိုင်ပါလိမ့်မယ်။ သက်တော်ရှည်ရှည် သာသနာပြုနိုင်ပါလိမ့်မယ်။ ဘုန်းဘုန်းတို့မော်လ မြိုင်သွားပြီးတော့ မဟာသမယသုတ် ကမ္မဝါစာ လှူ ဒါန်းတဲ့အခါ တိပ်ဋက သြဝါဒစရိယ ဥက္ကဋ္ဌဖြစ်ခဲ့ဘူး တဲ့ ဝဲပျံဆရာတော်ဆိုတာ မဟာသမယသုတ်နေ့ တိုင်းရွတ်တဲ့ ဆရာတော်ကြီး အသက်(၉၅)နှစ်ရှိပါ ပြီ။ သက်တော်(၉၅) နှစ်ဆိုပေမယ့် ကျန်းကျန်းမာ မာပါပဲ အလှူအတန်း အပင့်အဖိတ်တွေလည်းလိုက် တရားဟော ရေစက်ချတွေလည်းပဲအကြာကြီးပဲ ပြော နိုင်ဟောနိုင်တဲ့ ဆရာတော်ကြီးပါပဲ့။ အဲဒီတော့ မဟာ သမယသုတ်နေ့စဉ်ရွတ်မယ်ဆိုရင် အသက်ရှည်မယ် ဆိုတာ မောလမြိုင်မြို့ ဝဲပျံ ဆရာတော်ကြီးကြည့်မယ် ဆိုရင် အလွန်ထင်ရှားပါတယ်။ 2 ▶️ချမ်းသာသုခ မှန်ပြည့်ဝ ရွတ်ကြညံစီစီ မဟာသမယသုတ်နေ့တိုင်းရွတ်မယ်ဆိုရင်တော့ ဘဝရဲ့အောင်မြင်မှုတွေရပြီးတော့ ဘဝမှာ အဆင့် အတန်း မြင့်မြင့် နေထိုင်နိုင်တယ်။ သာသနာပြုနိုင် တယ်ဆိုတာကိုတော့ ရန်ကုန်မြို့ပေါ်က မြို့အသီးသီး မှာရှိတဲ့ စာသင်တိုက်ကြီးတွေကို ကမ္မဝါလိုက်လှူတဲ့ အခါ တချို့ 15 နှစ်ကြာပြီ တချို့ နှစ် 20 ကြာပြီ တချို့(2) ကြိမ်ရွတ်တယ် တချို့(9) ကြိမ်ရွတ်တယ် ဆိုတဲ့ ဆရာတော်တွေရဲ့ ကျောင်းတိုက်ကိုကြည့် လိုက်တဲ့အခါ အလွန်ခမ်းနားကြီးကျယ်တဲ့ကျောင်း တိုက်တွေ သူတို့ စီးနေတဲ့ ကားကိုကြည့်လိုက်တဲ့ အခါ မော်ဒယ်မြင့်တဲ့ကားတွေ စီးနေတာကိုကြည့် ခြင်းအားဖြင့် မဟာသမယသုတ်ရွတ်ဆိုမယ် ဆိုလို့ ရှိရင် ဘဝအောင်မြင်မှု ရနိုင်တယ်ဆိုတဲ့ အကျိုး တရားဟာလည်းပဲ လက်တွေ့ပဲ ဖြစ်ပါတယ်။ 3 ▶️နတ်ဒေဝတာ နှစ်သက်မှာ ရွတ်ပါအလီလီ။ မဟာသမယသုတ်ကိုရွတ်ဆိုရင်တော့ နတ်တွေရဲ့ စောင့်ရှေက်မှုကိုခံရ မဟာသမယသုတ်ဟာ နတ် ဗြဟ္မာတွေရဲ့ မျိုးနွယ်အလိုက် အုပ်စုအလိုက် နာ မည်တွေဖော်ပြီးတော့ တရားနာလာတဲ့အကြောင်း ဘုရားရှင်ကဟောပြထားပါတယ်။ မိမိတို့ရဲ့နာမည် ကို ဘုရားရှင်ကိုယ်တိုင် နှုတ်ဆက်အသိအမှတ်ပြု ပြီးတော့ ဟောထားတဲ့ ဒေသနာလည်းဖြစ်တယ်။ ဒီမဟာသမယသုတ်ဒေသနာဟောပြီးတဲ့အခါ "နတ် ဗြဟ္မာပေါင်း ကုဋေတစ်သိန်း ရဟန္တာ "ဖြစ်သွားတယ်သောတာပန် သကဒါဂါမ် အနာဂါမ်ဖြစ်တဲ့ နတ်ဗြဟ္မာ တွေက မရေတွက်နိုင်အောင် ကျွတ်တန်းဝင်သွား ကြတယ်။ အဲဒီတော့ သတ္တဝါတွေအနေနဲ့ ငရဲ တိရိစ္ဆာန် ပြိတ္တာ အသူရကာယ် ဆိုတဲ့ အပါယ်လေးဘုံကို ကျနိုင်တဲ့ ပုတုဇဉ်ဘဝက နေပြီးတော့ အပါယ်လေး ဘုံလွှတ်တဲ့ သောတာပန်အစရှိတဲ့ အရိယာအဆင့် ကိုရောက်အောင် ပို့ဆောင်ပေးနိုင်တဲ့ သုတ္တန်ဒေသ နာဘဝအဆင့်မြင့် သွားအောင်ပို့ဆောင်ပေးတဲ့ အတွက် ဘယ်နေရာမှာများ မဟာသမယသုတ် ရွတ်မလဲဆိုပြီးတော့ အထက်ကောင်းကင်ကနေ လိုက်လံပြီးတော့ ရှာဖွေပြီးတော့ နာယူချင်တဲ့ သုတ္တန်ဖြစ်ပါတယ်။ အဲဒီလောက်အထိနတ်တွေ နာယူချင်တဲ့ သုတ္တန်ကို ရွတ်ဖတ်ပေးမယ်ဆိုရင် နတ်တွေ ဗြဟ္မာတွေဟာ ရွတ်ဖတ်တဲ့ ပုဂ္ဂိုလ်တွေ နာယူတဲ့ပုဂ္ဂိုလ်တွေကို စောင့်ရှောက်ပေးကြပါတယ်။ ဒါဟာလည်း ဘုန်းဘုန်းတို့ မန္တလေး မော်လမြိုင် ပဲခူး ပေါင်းတည် စတဲ့မြို့တွေ ကမ္မဝါတွေသွားလှူ တဲ့အခါ လက်တွေ့ပါဘဲ။ ပဲခူးနဲ့ မော်လမြိုင်သွား လှူတဲ့ အချိန်ကမြန်မာပြည်မှာ အောက်မြန်မာပြည် ရေမြုပ်နေတဲ့အချိန်ဖြစ်ပါတယ်။ ပဲခူးမှာရေမြုပ်သလို မော်လမြိုင်မှာလဲ နေ့တိုင်းမိုး ရွာပြီးတော့ ရေမြုပ်နေပါတယ်။ ဘုန်းဘုန်းတို့ မဟာသမယသုတ်ပါဠိတော် ကမ္မဝါစာတွေ ကား ပေါ်တင်ပြီးတော့ မော်လမြိုင်သွားပြီးလှူတဲ့အခါ အဲဒီရက်ဟာ မိုးတိတ်ပြီးတော့ နေပူထွက်ပေးရပါ တယ်။ ဘုန်းဘုန်းတို့အဲဒီရောက်တဲ့အခါ မော်လမြိုင်မြီု့မှာ ရှိတဲ့ ကျိုက်သလ္လန်ဘုရားအနီးက ရွှေတောင်ဆရာ တော်က တအံ့တသြနှုတ်ဆက်ပါတယ်။ နေ့တိုင်းပဲ မော်လမြိုင်မှာမိုးရွာနေတာ မိုးရွာလို့မြို့သူမြို့သား တွေ စျေးမရောင်းရလို့စိတ်ညစ်နေတယ်။ ဒီနေ့ဦးနာရဒတို့လာလိုက်တဲ့အခါ မိုးတွေတိတ်ရုံ တင်မက နေတွေတောင်ပူပေးတယ် ဘယ်လိုများ ဖြစ်လို့လဲ ဘယ်လိုဖြစ်လိုလဲ ဆိုတော့ အရှင်ဘုရား တပည့်တော်တို့ ရောက်လေရာအရပ် မဟာသမယ သုတ်ရွတ်ပြီးတော့ မိုးနတ်သားအပါအဝင် နတ်သား တွေကို အဲဒါအမျှဝေပေးတယ်။ ပဲခူးမြို့သွားလှူတဲ့အခါ ရေတွေကြီးနေပြီ ဆိုပြီး တော့ တစ်ချို့ဒကာဒကာမတွေ စိတ်ပူကြပေမယ့် ဘုန်းဘုန်းတို့သွားတဲ့ ခရီးစဉ်မှာတော့ ရေဟာကျ ဆင်းပေးရတယ် ဒါတွေဟာ နတ်တွေရဲ့ စောင့် ရှောက်မုကြောင့် မဟာသမယသုတ်ပါဠိတော်တွေ ဆိုင်ရာမြို့အသီးသီးက ကျောင်းတိုက်တွေထံ ရောက် ရှိသွားကြ တာပါပဲ။ 4 ▶️ဘေးရန်ဥပါဒ် မငြိကပ် မပြတ်ရွတ်ရမည်။ နောက်ဆုံးအကျိုးကတော့ လူ့လောကပဲဖြစ်ဖြစ် သာသနာလောကပဲဖြစ်ဖြစ် အတိုက်အခိုက်တွေ အနှောက်အယှက်တွေ အလွန်ဘေးရန်အန္တရာယ် တွေပေါ်ပါတယ်။ ရေဂါအန္တရယ်တွေလည်းပဲ တစ် ခုပြီးတစ်ခု ဖြစ်ပြီးတော့ ကျန်းမာရေးအရ အားနည်း ပြီး ကွယ်လွန်ကြ ပျံလွန်တော်မူကြတာပဲ။ မဟာ - သမယသုတ်ကို ရွတ်မယ်ဆိုရင်တော့ အတိုက် အခိုက်အနှောက်အယှက်တွေလည်းကင်း ရောဂါ တွေလည်းသက်သာ ဒီလိုစတုတ္ထမြောက်အကျိုးက လာရှိပါတယ်။ #တရားတော်များ