چیئرپرسن بینظیر انکم سپورٹ پروگرام سینیٹر روبینہ خالد نے آج بی آئی ایس پی ہیڈکوارٹرز میں موبائل رجسٹریشن وینز کی افتتاحی تقریب میں کہا کہ یہ اقدام دور دراز اور پسماندہ علاقوں میں رہنے والے مستحق خاندانوں تک پروگرام کی رسائی کو مزید مؤثر بنانے میں اہم کردار ادا کرے گا۔ انہوں نے جرمنی کی سفیر کی تقریب میں شرکت کو خوش آئند قرار دیتے ہوئے جرمن حکومت کی جانب سے بینظیر انکم سپورٹ پروگرام کو موبائل رجسٹریشن وینز کی فراہمی پر شکریہ ادا کیا۔ سینیٹر روبینہ خالد نے کہا کہ ان وینز کے ذریعے ان علاقوں تک باآسانی رسائی حاصل کی جا سکے گی جہاں مستحق افراد کے لیے رجسٹریشن مراکز تک پہنچنا مشکل ہوتا ہے۔ انہوں نے کہا کہ موبائل رجسٹریشن وینز گھر کی دہلیز کے قریب خدمات فراہم کرتے ہوئے مستحق خاندانوں کی رجسٹریشن اور ڈیٹا اکٹھا کرنے کے عمل کو آسان بنائیں گی، جس سے زیادہ سے زیادہ اہل افراد کو پروگرام میں شامل کرنے میں مدد ملے گی۔ چیئرپرسن بی آئی ایس پی نے جرمن حکومت، KfW اور GIZ کے مسلسل تعاون کو سراہتے ہوئے کہا کہ یہ شراکت داری پاکستان میں سماجی تحفظ کے نظام کو مضبوط بنانے اور مستحق افراد کی زندگیوں میں مثبت تبدیلی لانے کے لیے نہایت اہم ہے۔ #BISP #senatorrubinakhalid #MRVs #KfW #GIZ - @rubinakhalidofficial