@lawa_sharazwry9: ئەوەی لە ناخمدایە تەنها وشە نییە، بەڵکو ڕووبارێکە لە هەست کە هەموو کاتێک ڕووی لە دەریای تۆیە، و هەرچەندە تۆ هەوڵ دەدەیت، هەرچەندە دیواری بێدەنگی و دابڕان لە نێوانماندا بەرز دەکەیتەوە، و هەرچەندە وا نیشان دەدەیت کە گوایە لە بیرت کردووم و چیدیکە من بەشێک نیم لە خەیاڵەکانت، بەڵام هەردووکوو لێی دڵنیاین کە ئەمە تەنها یارییەکی دۆڕاوی خۆشاردنەوەیە چونکە تۆ ناتوانیت لە من ڕابکەیت، کاتێک مرۆڤ ناتوانێت لە سێبەری خۆی ڕابکات چۆن دەتوانێت لە عەشقێک ڕابکات کە لە دەمارەکانیدا دەگەڕێت، تۆ هەرچەندە بازنەی قسەکانت بگۆڕیت و باسی دنیا و مرۆڤەکان بکەیت، باسی ڕابردوو و داهاتوو بکەیت، یان تەنانەت خۆت بە مژۆڵی و ژاوەژاوی ژیانەوە سەرقاڵ بکەیت تا ناوم نەهێنیت، لە کۆتاییدا وەک هێڵکارییەک کە هەمیشە دەگەڕێتەوە سەر خاڵی سەرەکی، هەموو ڕێگاکانی قسەکردنت و هەموو بیرکردنەوەکانت و هەموو ئاڕاستەکانت بە بێدەنگی دێنەوە سەر یەک جێگا کە ئەویش چاوەکانی منە، تۆ هەرگیز چاوەکانی منت لەبیر ناچێت چونکە ئەوان ئاوێنەی ڕۆحی تۆن و تۆ لە چاوەکانی مندا ئەو خۆشەویستییە پاکە دەبینیتەوە کە ڕەنگە لە هیچ شوێنێکی تری ئەم دنیایەدا شکۆفە نەهێنێت، هەر کاتێکیش سەیری چاوانم دەکەیت دەزانیت کە پێویستت بە بەکارهێنانی هیچ دەمامکێک نییە چونکە ئەوان بێ مەرج تۆیان قبووڵە و بە زمانێکی بێدەنگ چیرۆکێک دەگێڕنەوە کە تەنها دڵی تۆ شارەزای ڕێنووسەکەیەتی، مرۆڤ دەتوانێت چاوەکانی لە ئاستی ڕاستی دابخات بەڵام ناتوانێت دڵی لە ئاستی یادەوەرییەکاندا کڵۆم بدات و چاوەکانی منیش تەنها ئەندامێکی سەر ڕوخسارم نین بەڵکو ئەوان نیشتمانی خەیاڵەکانی تۆن، بۆیە دڵنیابە هەرچەندە دوور بکەویتەوە و هەرچەندە بازنەی گفتوگۆکانت بە لایەکی تردا بەرجەستە بکەیت لە ناختا دەنگێک هەیە پێوت دەڵێت هیچ هێزێک لەم دنیایەدا نییە بتوانێت کێشکردنی ئەو چاوانەت لەبیر بباتەوە کە ڕۆژێک لە ڕۆژان تەواوی دنیای تۆ بوون، تۆ مەحکومیت بەوەی هەمیشە بگەڕێیتەوە سەر هەمان خاڵ و سەیری ناو قووڵایی ڕووناكی ئەو چاوانە بکەیتەوە کە وەک تیشکی خۆر بەسەر شەوە زەنگەکانتدا دەدرەوشانەوە، چونکە چاوەکانی من کۆتا وێستگەی حەوانەوەی ڕۆحی ماندووی تۆن و هیچ کاتێک ڕێگای کۆچکردنیان لێ وێڵ نابێت🌑#30ta #khodm #foryou #actives? #2023

10866

1462

156

To see more videos from user @lawa_sharazwry9, please go to the Tikwm homepage.