သူက အနေအေးတဲ့လူ မျက်လုံးလှတဲ့လူကို သဘောကျတာတဲ့ တကယ်တော့ သူ့စကားက အနေလည်းမအေး၊ မျက်လုံးကလည်း တရုတ်စပ်မို့ မှေးစင်းနေတဲ့ ကိုယ့်ကို တမင်သက်သက် ကလူကျီစယ်ခဲ့တာ ဒါပေမယ့် ကိုယ့်မျက်ဝန်းတွေ ဘယ်လိုပဲရှိရှိ သူ့ရဲ့ မျက်ဝန်းနက်နက်ကြီးတွေကတော့ ကိုယ်မြင်ဖူးသမျှထဲမှာ အလှဆုံး အနုပညာတစ်ရပ်ဖြစ်နေခဲ့တာ ဖုန်း screen ပေါ်ကနေ မြင်ရတဲ့ သူ့ရဲ့ကြည်လင်နေတဲ့ ဖန်ဂေါ်လီလုံးလို မျက်လုံးအိမ်ကြီးတွေကို ဖြောင့်စင်းနေတဲ့ မျက်တောင်ရှည်တွေက အုပ်မိုးပေးထားတာ အဲ့မျက်ဝန်းတွေက မိန်းကလေးတစ်ယောက်လို နူးညံ့နေတာမျိုးမဟုတ်ဘဲ စူးရှပြီး ယုံကြည်ချက်အပြည့်နဲ့ ယောက်ျားဆန်ဆန် ခန့်ညားလွန်းတယ် မျက်လုံးတင်မကဘူး သူ့ရဲ့ Clean Type စတိုင် သန့်သန့်ပြန့်ပြန့် ဝတ်ဆင်မှုတွေအောက်က ခိုင်မာတဲ့ ပုခုံးကျယ်ကြီးတွေ သူနားထောင်တဲ့ သီချင်းတွေနဲ့ သူ့ရဲ့တည်ငြိမ်တဲ့ စရိုက်တွေအထိ အားလုံးက သူ့ရဲ့ယောက်ျားပီသမှုကို ပိုပြီး အဆင့်အတန်းရှိရှိ ပေါ်လွင်စေတယ် အဲ့လိုလူကြီးဆန်ဆန် တည်ငြိမ်တတ်တဲ့ သူက တစ်ခါတလေကျပြန်တော့လည်း ကလေးတစ်ယောက်လို ဆိုးနွဲ့တတ်ပြန်ရော သူ စကားပြောတဲ့အခါ သုံးနှုန်းတတ်တဲ့ စကားလုံးလေးတွေ ချစ်စရာကောင်းတဲ့ အသံနေအသံထားလေးတွေ စိတ်ကောက်တာလေးတွေကို အသည်းယားလွန်းလို့ ရင်ထဲကလိကလိ ဖြစ်ရတဲ့အထိပဲ ခက်တာက သူက လူသိမခံဘဲ အမြဲတမ်းပုန်းကွယ်နေတတ်တာ ပုံတွေကို ရှားရှားပါးပါးမှ တင်တတ်တာမျိုး လျှို့ဝှက်လွန်းတဲ့ သူ့ဆီကနေ တစ်ခါတလေမှမြင်ရတဲ့ ပုံတစ်ပုံချင်းစီက ကိုယ့်အတွက်တော့ အဖိုးမဖြတ်နိုင်တဲ့ ရတနာလေးတွေလိုပဲ ကိုယ်ချစ်တဲ့သူမို့လို့ စကားလုံးတွေအလှဆင်ပြီး တမင်မြှောက်ပြောနေတာမဟုတ်သလို စာသားတွေနဲ့ လွန်လွန်ကဲကဲ ဖွဲ့နွဲ့နေတာမျိုးလည်း လုံးဝမဟုတ်ဘူး သူ့ဆီမှာက တကယ်ကို အရှိအတိုင်း ပုံမှန်တည်ရှိနေတဲ့ ထူးခြားတဲ့အကြည်ဓာတ်တစ်မျိုး ရှိနေတာ အပြင်မှာ တစ်ခါမှမဆုံဖူးသေးပေမယ့် သူပြောဆိုပြုမူသမျှ အမူအရာတိုင်းမှာ ယောက်ျားတစ်ယောက်ရဲ့ ပြတ်သားမှုနဲ့ လူကြီးဆန်တဲ့ စိတ်နေစိတ်ထားက အထင်သားပေါ်နေတတ်တယ် အဲ့လိုခန့်ညားတဲ့ သူ့ရဲ့တည်ရှိမှုတစ်ခုလုံးကို ကိုယ်က မိန်းမဆန်တဲ့အရာမျိုးတွေနဲ့ ဘယ်တော့မှ အနားမသတ်ချင်သလို သူ့ရဲ့ ဂုဏ်သိက္ခာကို ရင်ထဲကနေ လေးလေးနက်နက် လေးစားမိတာမို့ သူ ဘယ်လိုအလှတရားမျိုးကိုပဲ သဘောကျတယ်ပြောပြော ကိုယ်ကလက်ခံတယ် ကိုယ့်စိတ်အာရုံတစ်ခုလုံးကို စိုးမိုးထားတာကတော့ ပုံစံမျိုးစုံနဲ့ ဆွဲဆောင်မှုရှိလွန်းတဲ့ ကိုယ် တကယ်ကို လေးစားမြတ်နိုးရတဲ့ ဒီယောက်ျားကောင်းတစ်ယောက်တည်းပါပဲ #mlm #foryou #loveletter - @elz.y.wrld