@rashedmhjob: سودانية صديقتنا استاذة في الجامعة متزوجة زميلها امريكي جهامة كده ملاكم بس . دخل كورس بتاع تعليم لغة عربية قرأة ونحو وقواعد فكلامه كلو لغة عربية فصحى ومُصر يتونس مع اي زول بعرف عربي عشان يجّود لغته بالممارسة زول فينا بقدر يتونس معاه مافي بحسسك انك قاعد في دار الندوة والا بتحضر في مسلسلات رمضان كده😂 المهم امها واخواتها وصلوا من الخرطوم للقاهرة ايام الحرب دي فسافرت ليهم مع راجلها ده تشوفهم وتطمئن عليهم لاقيتها قبل كم يوم في السوبرماركت وقفت اسلم عليها سألتها عن ناس امها وعن القاهرة قالت لي كويسين الحمد لله لكن تاني يبقي لي سم لو الراجل ده يباريني حته😂 قلت ليها لييه؟ حصل شنو؟ قالت اول حاجة مهضنب ناس البيت كلهم اليوم كلو مقعدهم قدامو ينضم معاهم لغة عربية فصحى كان داير موية ينادي اختي يقول ليها هل لكِ ان تسقيني جرعة من ماءٍ قراح وأكن لكِ من الشاكرين ؟😂والغايظني اختي بدل تفهمو مافي داعي للجملة الطويلة دي زي ما بعمل معاه انا تقول ليهو اجل اجل سمعاً وطاعة يا مولاي😂 قالت لي مرة ركبنا تكسي معانا امي هو كان راكب قدام جنب السواق بتاع التاكسي طمع اظنه لما شاف الخواجة طلب قروش كتيرة فقلت ليهو لا ما بنديك غير حقك بس فقعد يكورك ويعمل حركات المصرين البتعرفها ما اشوف ليك الا راجلي قبضو ليك من رقبته والمصري يكورك ويبرطم بالكلام وراجلي كل دقيقة يتلفت عليّ يسألني ماذا يقول؟ هل زمني هل سبني؟ ويقبل تاني على المصري وطاخ يرصعو كف وهو لسه خانقو وداك يكورك ويسكل وامي خلاص اعصابها باظت كل ما راجلي يسأل ماذا يقول هل شتمني ؟ امي شابكاهو ليك كلا كلا يا بني وحاة سيدي الحسن ما شتمك فكو خلاث ويحك ايها الراجل سوف تكتلوا وتحيرنا 😂😳😳 تاني انا الرجل ده الله بيني وبينو كل زول يسافر براهو ما يباريني اي حته 😂😂😂😂😂😂😂😂 #جبر_الخواطر #المشاهير____التيك___توك

🥰 جبر الخواطر 🥰

Open In TikTok:

Region: SD

Thursday 04 June 2026 16:32:13 GMT