" موت جسموں کو مٹاتی ہے، فن کو نہیں" بے شمار شہرہ آفاق گیت گانے والے سریلے گلوکار " اخلاق احمد " نے اپنے کریئر کا آغاز کراچی سے کیا جہاں وہ ابتدائی دور میں گلوکار "مسعود رانا" اور اداکار "ندیم بیگ " کے ساتھ سٹیج پروگرامز میں گلوکاری کا مظاہرہ کیا کرتے تھے۔ یہ تینوں نو آموز گلوکار "محمد رفیع" کے مداح تھے اور ان ہی کے گانے اسٹیج پر پرفارم کرتے تھے۔ لیکن شوقیہ گلوکاری کی یہ لگن سچی تھی اور یوں "اخلاق احمد" نے اپنا پہلا گیت فلم "پازیب" کیلئے ریکارڈ کروایا۔ ان کی سریلی آواز آگے بڑھتی رہی۔ ان کا ایک مدھر گیت "دیکھو یہ کون آ گیا، بن کے نشہ چھا گیا " یہی وہ گیت ہے جو "اخلاق احمد" کی پہچان بنا۔ ریڈیو پاکستان سے یہ گیت دن میں کئی کئی مرتبہ نشر ہوتا تھا۔ یہ نغمہ اخلاق احمد کی ایک عرصے کی جدوجہد کا ثمر ثابت ہوا۔ پھر اس کے بعد تو ان پر فلم نگری نے اپنے دروازے کھول دیے۔ اور جب مشہور موسیقار "روبن گھوش" نے فلم چاہت کے لیے ان کی آواز میں ایک گیت "ساون آئے ساون جائے" ریکارڈ کیا تو اس گیت نے انہیں راتوں رات شہرت کی بلندیوں پر پہنچا دیا۔ اور انہوں نے اپنی مدھر آواز سے کامیابی کے نئے سنگِ میل عبور کئے۔۔ "اخلاق احمد نے اُس دور میں اپنی مسحور کن آواز کا جادو جگایا جب پس پردہ موسیقی پر لیجنڈز "احمد رشدی" اور "مہدی حسن" کا راج تھا، لیکن اپنی منفرد گائیگی کی بنا پر اخلاق احمد نے اپنے لیے الگ مقام پیدا کرلیا۔۔۔ "اخلاق احمد" نے اپنے دور کی تقریباً تمام نامور اور صفِ اول کی گلوکاراؤں کے ساتھ یادگار گانے گائے ہیں۔ جن میں مہناز بیگم۔ نیرہ نور. رونا لیلی. ناہید اختر. وغیرہ شامل ہیں۔ جب کہ "ملکہ ترنم نور جہاں" انہیں ہمیشہ "سریلا گلوکار" کہہ کر پکارتی تھیں اور ان کے ساتھ چند فلموں میں "اخلاق احمد" کو مشترکہ کورس میں گانے کا موقع ملا۔ فلم ساز و ہدایت کار پرویز ملک کی گولڈن جوبلی فلم "مہربانی" 1982 میں ریلیز ہوئی۔ یہ ایک ایسے نوجوان کی کہانی ہے، جو گلوکار بننا چاہتا مگر مواقع نہیں ملے۔ اس فلم میں "اخلاق احمد" کا ایک گیت قوالی کے انداز میں بہت مقبول ہوا۔۔ " کبھی خواہشوں نے لوٹا کبھی بے بسی نے مارا گلہ موت سے نہیں ہے ہمیں زندگی نے مارا" اس فلم کو سامنے رکھتے ہوئے بھارتی فلم ساز "راجیش کھنہ اور ہدایت گار "شکتی سمانتا" نے 1985 میں فلم "الگ الگ" بنائی۔ مذکورہ فلم میں ہو بہو یہ گیت قوالی کے انداز میں "کشور کمار" کی آواز میں فلمایا گیا۔ گلوکار "سونو نگم" نے بھی 1990 کے اواخر میں "اخلاق احمد" کے گائے ہوئے پاکستانی فلموں کے مشہور گانے اپنی آواز میں ریکارڈ کرائے۔۔ "اخلاق احمد" نے گو کہ سینکڑوں کی تعداد میں گانے نہیں گائے لیکن ان کے گائے گئے گیتوں کی تعداد 100 سے زیادہ ہے اور ہر گیت کمال کامیابی سے ہمکنار ہوا ۔ انہوں نے اپنے کیریئر میں آٹھ مرتبہ مشہور زمانہ "نگار ایوارڈ " حاصل کیا۔ "اخلاق احمد" کی شہرت کا سفر جاری تھا کہ وہ خون کے سرطان جیسے موذی مرض میں مبتلا ہوگئے اور کافی عرصے تک اس مرض سے لڑتے رہے، بالآخر 1999 میں اس جہان فانی سے کوچ کر گئے۔!! "اخلاق احمد" کے گائے ہوئے چند مشہور گیت یہ ہیں۔ ۔ 🎼 ساون آئے ساون جائے تجھ کو پکاریں گیت 🎼 سماں وہ خواب سا سماں ملے تھے دل سے دل جہاں 🎼" حسین وادیوں سے یہ پوچھو 🎼 کون دلاسا دے گا مجھ کو 🎼 رات بھر جیا مرا تڑپا یہ کیسا تارے چمکتے 🎼 بہکے قدم، انجانی راہیں، ایسے میں تھامو میری باہیں 🎼 دیکھو یہ کون آ گیا، بن کے نشہ چھا گیا 🎼 کبھی خواہشوں نے لوٹا، کبھی زندگی نے مارا 🎼 سونا نہ چاندی نہ کوئی محل، جانِ من تجھ کو میں دے سکوں گا۔ 🎼 حسین وادیوں سے یہ پوچھو 🎼 بہکے قدم۔ انجانی راہیں 🎼 کیوں نہ راہوں میں پلکیں بچھائے ہم 🎼 رات بھر جیامورا مجھے کیوں ستائے 🎼 پل میں جانے کیا ہو جائے 🎼 تیرے لیے زمانہ سارا چھوڑ دوں 🎼 اے دل اپنا درد چھپا کے گیت خوشی کے ۔۔۔ اخلاق احمد کی مغفرت کے لئے دعا گو : #unfreezemyacount #foryoupage❤️❤️ - @naveedqayyum401