@ba7re.1: لەم شەوە سارد، کڕووشکاو, و بێدەنگەدا... کاتێک چۆڵی و تاریکی وەک مۆتەکەیەک باڵیان بەسەر هەموو سووچ و قوژبنێکی ئەم شارە چۆڵەدا کێشاوە، دیسانەوە شەپۆلێکی قورس، خنکێنەر و تاقەتبڕی دڵتەنگی کێشرا بەسەر سەرتاپای خەیاڵ، بیرکردنەوە و ڕۆحە ماندووەکەمدا... کاتێک بە تەنیا لەناو ئەم بێدەنگییە کوشندەیەدا دادەنیشم و سەیری دیوارەکان دەکەم، یادگارییەکان وەک فیشەک بە ناخی مێشکمدا تێدەپەڕن و برینەکان دەکولێننەوە... بەڵام ئەمجارە ئەم غەمبارییە، تەنها دڵتەنگییەکی ئاسایی و سەرپێیی نییە بۆ دووری یان بۆ نەبوونی فیزیکی کەسێک؛ نەخێررر! ئەسڵەن مەسەلەکە ئەوە نییە! ئەمە خەمێکی زۆر قووڵترە، غەمی شکان، داڕمان و بێئومێدبوونی تەواوە لە هەموو ئەو خەون، خەیاڵ، هیوا و ئاواتە قەشەنگ و گەورانەی کە ڕۆژانێک پێکەوە، بە ترپەی دڵ و بە وشەی گەرم، خشت بە خشت و خەون بە خەون بۆ داهاتوومان چنیبوو... کەچی ئێستا؟ ئێستا لەپڕێکدا هەموویان بوون بە خۆڵەمێش و بە با چوون! هەتتتتت چۆن ئاوا هەموو شتێک بە چرکەیەک وێران بوو؟! ڕاستییەکەت دەوێت؟! من لێرەدا نەنیشتوومەتەوە بۆ ئەوەی بگریم چونکە وەک پێشتر پێکەوە نین و ڕێگاکانمان جیا بوونەتەوە، نا... من کاڵفام نیم و زۆر چاک لە یاسا ڕەق، تەق و بێبەزەییەکانی ئەم ژیانە تێدەگەم؛ دەزانم کە جیهان جێگەی گۆڕانکارییە، مرۆڤەکان دێن و دەڕۆن، تێدەپەڕن، زەمەن ڕەنگەکان دەگۆڕێت، و هەندێک جاریش مرۆڤەکان ناچار دەبن ڕێگای کاروانەکانیان لێک جیا بکەنەوە و هەرکەسەو بەلایەکدا بڕوات... بەڵام ئەوەی ڕۆحم سارد دەکاتەوە، ئەوەی ناخم دەسوتێنێت و باوەڕم بە چەمکی مرۆڤایەتی و ڕاستگۆیی ناهێڵێت، خودی فۆرمی جیابوونەوەکە نییە، بەڵکو شێوازی ڕۆشتن، شێوازی نەمانی تۆ و ئەو ساردووسەرییە بێبەزەیی و سەیرەیەیە کە لە کۆتاییدا نواندت! ئەوەی وەک خۆرە شەو و ڕۆژ ناخم دەخوا و کای کۆن بە با دەکات، ئەو بێباکی و بێدەنگییە کوشندە، ناڕوون و ژەهراوییەیەیە کە هێناتە ناو دواین دێڕەکانی چیرۆکەکەمانەوە... بێدەنگی؟! بۆچییی؟! مرۆڤ چۆن دەتوانێت ئاوا بێدەنگ بێت؟! من هەرگیزاوهەرگیز، تەنانەت لە تاریکترین، ناخۆشترین و خراپترین خەیاڵەکانیشمدا، لەو ساتانەی کە گەورەترین کێشە و جیاوازییش لە نێوانماندا هەبوو، چاوەڕێی ئەوەم لە تۆ نەدەکرد کە هێندە بە ئاسانی، بێباکانە، سارد و بێسڵەمینەوە بپەڕیتەوە بەولای ژیاندا و هەموو شتێک فەرامۆش بکەیت وەک ئەوەی ئەسڵەن هیچ نەبووبێت! چۆن دڵت هاتووو؟! چۆن توانیت بێ چرکەیەک ڕوونکردنەوە، بێ دەربڕینی هیچ هۆکارێک، بێ هێنانەوەی هیچ بەڵگەیەک، و بێ ماڵاواییەکی شایستە بەو هەموو کات، تەمەن، سۆز و وەفایەی نێوانمان، ئاوا لەپڕ وەک بێگانەیەکی تەواو ڕووت وەربگێڕیت و بڕۆیت؟! ئایا ئەو هەموو بەڵێنە گەورانەی دەتانسی، ئەو هەموو قسە شیرینانەی شەوانە، ئەو خەونە هاوبەشانەی کە بە ئاگاییەوە پێکەوە دەمانچنی، شایەنی ئەوە نەبوون لانیکەم بە چەند وشەیەکی کورت، بە چەند دێڕێک کۆتاییان پێ بهێنرێت؟! شایەنی ئەوە نەبوون کە وەک دوو مرۆڤی پێگەیشتوو دانیشین و بڵێین 'لێرەدا ڕێگامان کۆتایی پێدێت'؟! هەتتتتت هێندە بێبایەخ بوو هەموو شتێک لای تۆ؟! هێندە سانا بوو سڕینەوەی من؟! ئەم جۆرە لەپڕ گۆڕان، بێدەنگبوون و پشتگوێخستنە بێ ڕوونکردنەوەیە، تەنها کۆتاییهێنان نەبوو بە پەیوەندییەکی سۆزداری سادە، بەڵکو کوشتنی ئەو متمانە، باوەڕ و جیهانبینییە گەورەیە بوو کە من بە جیهان و بە تایبەتی بە خودی تۆم هەبوو! تۆ بەم ڕەفتارە ناڕوون و بێدەنگەت نیشانت دام کە هەموو ئەو متمانەیەی پێم بەخشینی تەنها سەراب بوو... تەنها درۆ و کایە بوو! ئازاری ڕاستەقینە و قورسی مەسەلەکە ڕێک لێرەدایە: کەسێک کە پێت وابوو لە هەموو جیهان زیاتر دەتناسێت و پشت و پەناتە، کەسێک کە کاتێک سەیری چاوت دەکرد ناخت و نادیارەکانی دەخوێندەوە، ئاوا بێدەنگ پشتت تێبکات، پاشقولت لێبگرێت و لە ناو تەمومژی پرسیارە بێ وەڵامەکان، گومانەکان، شۆکبوون و دڵەڕاوکێکاندا جێت بهێڵێت، بەبێ ئەوەی سەرەتایترین مافی تێگەیشتن و ڕوونکردنەوەم پێببەخشێت! بەبێ ئەوەی هۆکارێک بزانم! تۆ تەنها جەستەی خۆتت لە ژیانی مندا کۆنەکردەوە و منت تەنیا نەکرد لەم شەوەدا، بەڵکو باوەڕی من، پاکی من، و هیوای منت بە ڕاستگۆیی و مانەوە لەم جیهانەدا لەگەڵ خۆت برد و خستتە ژێر خاکەوە... ئێستاش من ماومەتەوە و دەریایەک لە پرسیاری بێ وەڵام، کێوێک لە گومانی بێ کۆتایی، کە هیچ کامیان چارەسەر نابن و نامکوژن و ڕێگام پێ نادەن بڕۆمە پێشەوە، تەنها لەبەر ئەوەی تۆ نەیرانیت... یان نەتویست تەنانەت وشەیەکی کورت، تەنها یەک وشەی ماڵاواییش بە زمانتدا بهێنیت یان هۆکارێکم پێ بڵێیت! بۆچی ئاوا؟! بۆچییی ئاوا بێدەنگ و بێ ڕوونکردنەوە فڕێت دام کاتێک من ناخم بۆت کراوە بوو؟!#ba7reeeeeeee #brokeennnnnnn #نەمویسط

مـچـی،

Open In TikTok:

Region: IQ

Thursday 04 June 2026 23:02:34 GMT