@muzanmohammed02: انا شايله ليك جواي كمية حُب ولطافة ما عادية حتكفيك باقي عمرك كلو ! عمرك الحتعيش باقيهو معاي وتخليني حبيبة لطيفة ليهو ! حبيبة تهون عليك قساوة الدنيا وتملاك حِن وتهديك قلبها بالمجان قصاد الريدة الحتلقاها منك ❤ أنا داسة ليك جواي مشاعر لطيفة ما حيفوز بيها زولاً سواك ! أنا متأكدة إنو نحن حالياً في طريق مُختلف تماماً وكل زول بيعافر براهو في الحياة دي ! لكن صدقني اليوم الحيتصادف فيهو طريقنا ! حتقصر المسافات .. البهجة حتملأ الكون .. والدنيا حتبقى في عيوني عيد حنتشارك تفاصيلنا سوا .. وحنكتب قصة حبنا بي إيدنا .. قصة يحكوها كل الناس ! حأفتح ليك قلبي عشان يبقى بيتك .. حأناولك كتفي تتسند عليهو لما الدنيا تضيق بيك .. وحأمد ليك يدي عشان أمسكك ونمشي الطريق سوا ❤ أنا مُستعدة أنتظر عمري كلو بس في الأخر القى الإنسان البيستاهلني ! =البخليني أحس إنو صبري ما ضاع عـ الفاضي ! =البيقيمني ويحترمني ويحبني ويمسك يدي ونمشي مع بعض الطريق ! =البخليني أقول " شكراً لأنك جيت مسك الختام البِطيب الخاطر " ❤️ لما ألقاك نفس الزول الكنت بتمناهو ! قلبي حيطمئن ... وخطواتي حتتزن .. وحأهديك شال " رّيدة " يغطيك من برد الأيام.

314076

4811

301

2569

To see more videos from user @muzanmohammed02, please go to the Tikwm homepage.