@abt__media: #HABARI: Jeshi la Polisi Mkoa wa Songwe limefanikiwa kukamata malori mawili ya mizigo yakiwa yamebeba shehena ya maboksi 1,962 ya vipodozi vya magendo, vikiwemo vile vilivyopigwa marufuku nchini. Kamanda wa Polisi Mkoa wa Songwe, SACP Augustine Senga, amebainisha kuwa magari hayo yamekamatwa kwa nyakati tofauti kupitia misako na oparesheni mbalimbali zilizofanyika wilayani Ileje na katika kituo cha kupimia uzito cha Mpemba wilayani Momba. Katika tukio la kwanza mnamo Mei 27, 2026, polisi walilikamata gari aina ya Fuso (T 605 DJF) wilayani Ileje likiwa na maboksi 1,892 ya vipodozi hivyo baada ya kuvuka mpaka wa Tunduma. Katika hatua nyingine mnamo Juni 4, 2026 asubuhi, polisi walilikamata gari la pili aina ya Howo (T 934 ECY) katika mizani ya Mpemba likitokea Jamhuri ya Kidemokrasia ya Kongo (DRC) likiwa limebeba madini ya shaba, huku likiwa limeficha maboksi 70 ya vipodozi hivyo vya magendo. Jumla ya watuhumiwa wanane wamekamatwa kufuatia matukio hayo, ambapo watuhumiwa wanne walionaswa wilayani Ileje tayari wamefikishwa mahakamani kwa hatua zaidi za kisheria. Kamanda Senga ametoa wito mkali kwa wananchi na wafanyabiashara kufuata taratibu zote za kiforodha zilizowekwa ili kuepuka usumbufu na kadhia za kisheria zinazoweza kujitokeza kutokana na ukwepaji kodi na uingizaji wa bidhaa haramu.#HABARI #abtmedia #abtfilm #HUDUMA_ZAKIFLME_BEI_ZA_KIZAWA

ABT MEDIA

Open In TikTok:

Region: TZ

Friday 05 June 2026 07:49:37 GMT