အိမ်တစ်အိမ်ရဲ့ နွေးထွေးမှုကို ငွေကြေးနဲ့ပဲ မတည်ဆောက်နိုင်ဘူး။ တာဝန်ယူတတ်တဲ့ နှလုံးသား၊ နားလည်ပေးတတ်တဲ့ စိတ်ထား၊ မိသားစုကို ဦးစားပေးတတ်တဲ့ အသိတရားတွေနဲ့ တည်ဆောက်ရတာပါ။ အိမ်ထောင်ဦးစီးကောင်းတစ်ယောက်ဆိုတာ အိမ်ပြန်လာတဲ့အခါ သားသမီးတွေအတွက် လုံခြုံမှုဖြစ်စေတဲ့သူ၊ ဇနီးသည်အတွက် အားကိုးရာဖြစ်စေတဲ့သူ၊ မိသားစုအတွက် အရိပ်အာဝါသပေးနိုင်တဲ့သူပါ။ ဇနီးရဲ့အလှအပကြောင့် မဟုတ်ဘူး၊ သားသမီးသံယောဇဥ်ကြောင့်လည်း မဟုတ်ဘူး၊ “ဒီမိသားစုဟာ ငါ့ဘဝရဲ့ အရေးကြီးဆုံးအရာ” လို့ ခံယူထားတဲ့စိတ်ကြောင့် သူဟာ တာဝန်ယူတတ်တာပါ။ တချို့လူတွေက အပြင်လောကမှာ အောင်မြင်ဖို့ကိုပဲ ဘဝရဲ့အဓိပ္ပာယ်ထင်ကြတယ်။ ဒါပေမဲ့ ကိုယ့်အိမ်ထဲကလူတွေ မပျော်ရွှင်ရင် အဲ့ဒီအောင်မြင်မှုဟာလည်း တစ်စိတ်တစ်ပိုင်း လွတ်နေဆဲပဲ။ မိသားစုကို ဦးစားမပေးတဲ့သူဟာ နောက်ဆုံးမှာ မိသားစုထဲမှာပဲ အရေးမပါတဲ့သူ ဖြစ်သွားတတ်တယ်။ တကယ်တော့ မိသားစုတစ်ခုရဲ့ စိတ်ချမ်းသာမှုဆိုတာ ကံကောင်းလို့ ရလာတာမဟုတ်ဘူး။ နားလည်မှု၊ သည်းခံမှု၊ တာဝန်ယူမှုတွေကို နေ့တိုင်း ဖြည့်ဆည်းပေးနေတဲ့ အိမ်ထောင်ဦးစီးကောင်းတစ်ယောက်ရဲ့ အနုပညာလက်ရာတစ်ခုပါပဲ။ #credit - @user.khaingwar5249