#motivation လူ့ဘဝဆိုတာ ရုန်းကန်လှုပ်ရှားမှုတွေနဲ့ ပြည့်နှက်နေတဲ့ ခရီးတစ်ခုဖြစ်ပြီး ဒီခရီးကို ပျော်ရွှင်အေးချမ်းစွာ ဖြတ်သန်းနိုင်ဖို့အတွက် လျှို့ဝှက်ချက်ကတော့ အရာရာကို အရမ်းကြီး အတင်းအကျပ် မလုပ်ဖို့ပဲ ဖြစ်ပါတယ်။ ဘဝမှာ အရာရာကို အတင်းအကျပ် လိုက်လံဆွဲဆန့်ပြီး စိတ်လောနေတတ်သူတွေဟာ များသောအားဖြင့် ခရီးအရမ်းမပေါက်တတ်ကြဘဲ ကိုယ့်ကိုယ်ကိုယ် ပင်ပန်းနွမ်းနယ်စေရုံသာ ရှိတတ်လို့ အစွန်းနှစ်ဖက်မရောက်ဘဲ သက်သောင့်သက်သာ၊ အလိုက်သင့်လေး နေထိုင်ခြင်းကသာ ဘဝရဲ့ အကောင်းဆုံးနဲ့ အငြိမ်းချမ်းဆုံး အနေအထား ဖြစ်ပါတယ်။ အချစ်ရေးမှာလည်း လေတံခွန်တစ်ခုကို ကြိုးအရှည်ကြီးလွှတ်ပြီး ကောင်းကင်မှာ လွတ်လပ်စွာ ပျံသန်းခွင့်ပေးထားသလိုမျိုး အရမ်းကြီး ပိုင်စိုးပိုင်နင်း မလုပ်ဘဲ လွတ်လပ်ခွင့်နဲ့ ယုံကြည်မှုကို မျှတစွာ ပေးထားနိုင်ရမှာဖြစ်သလို၊ နေ့စဉ်ဘဝကို ဖြတ်သန်းတဲ့အခါမှာလည်း အရာရာတိုင်းမှာ ပြီးပြည့်စုံနေဖို့ လိုက်ပြီး မတောင်းဆိုဘဲ မပြည့်စုံမှုတွေ ကြားထဲကပဲ အကောင်းဆုံးဖြစ်အောင် နေထိုင်တတ်ဖို့ လိုအပ်ပါတယ်။ ဘဝမှာ ကိုယ်ရလာတဲ့ ရလဒ်ကောင်းတွေကို တန်ဖိုးထားမြတ်နိုးတတ်ဖို့ လလိုသလို၊ တစ်ခါတရံ ကြုံတွေ့ရတတ်တဲ့ ဆုံးရှုံးမှုတွေကိုလည်း နွေဦးမှာ ပန်းတွေပွင့်ပြီး ဆောင်းဦးမှာ သစ်ရွက်တွေ ကြွေတာဟာ လောကနိယာမပဲလို့ ကျေကျေနပ်နပ်ကြီး လက်ခံလိုက်နိုင်ရပါမယ်။ တကယ်တော့ ကောင်းတာတွေကြုံရတာရော၊ ဆိုးတာတွေ ကြုံရတာရောဟာ ဘဝမှာ ရှောင်လွှဲလို့မရဘဲ မဖြစ်မနေ ဖြတ်သန်းရမယ့် ရှုခင်းတွေသာ ဖြစ်ပြီး၊ မှားခဲ့တာတွေရော မှန်ခဲ့တာတွေရော အားလုံးဟာ ဘဝအတွက် အဖိုးတန်တဲ့ သင်ခန်းစာတွေနဲ့ အတွေ့အကြုံတွေပဲမို့ အမှားတွေထဲကနေ သင်ယူပြီး တည်ငြိမ်စွာ ရှေ့ဆက်နိုင်ဖို့ပဲ အဓိကကျပါတယ်။ ဒါကြောင့် ဘယ်အရာကိုမှ ကြိုတင်ပြီး ပူပန်သောက ရောက်မနေပါနဲ့၊ နေဝင်သွားရင်လည်း လရောင်ရှိနေဦးမှာဖြစ်သလို၊ လမင်းကြီး ဝင်သွားပြန်ရင်လည်း မနက်ခင်းရဲ့ လှပတဲ့ နေရောင်ခြည်သစ်တွေက ထွက်ပေါ်လာဦးမှာ ဖြစ်တာကြောင့် ဘဝမှာ ဘယ်လောက်ပဲ မှောင်မိုက်တဲ့အချိန်တွေ ကြုံရပါစေ အလင်းရောင်ဆိုတာ အမြဲတမ်း ပြန်လည်ရှိနေဦးမှာမို့ စိတ်ဓာတ်မကျဘဲ စိတ်အေးချမ်းစွာနဲ့ ဘဝကို ဆက်လက်လျှောက်လှမ်းနိုင်ကြပါစေ။ #lukas_comics #lifelessons #originalcharacter - @lukas_comics