Jireenyi yeroo hunda wal qixa miti. Yeroon gara ol baatee kabajamtee barbaadamtu ni jira. Garuu yeroon kophummaa dhiphinaafi shakkiin sitti dhaga’amus ni jira. Namoota si jaallatanii fi si cinaa dhaabbatan kan sitti agarsiisu yeroo rakkisaa sana. Namoonni yeroo ati homaa hin qabne, yeroo ati abdii kutatte yeroo nama si gargaaru si barbaachisu siif turan qabeenya jireenyaa dhugaati. Warri kun namoota gaafa milkoofte sitti dhufan osoo hin taane warra yeroo haalli jireenyaa ulfaataa ta'etti si hin dhiisneedha. Yeroo ati sadarkaa gaarii geessuufi nama qima qabu taatu eessa akka dhufteefi namoota si cinaa dhaabbatan dagachuun salphaadha. Garuu nama qima dhugaa qabu jechuun nama tola isatti godhame yaadatuufi galata galchuudha. Milkiin kee namoota sirrii ta’an akka sitti fagaatan hin hayyamin. Of tuulummaafi boonaatti hin jijjiirin. Yaadadhu namoonni kun yeroo ati jalqaba irratti turte si arganiiru yeroo ati waan tokkollee hin ta’in si gargaaraniiru. Har’a yoo waan tokko taate isaanis gahee keessaa qabu. Galata galchuufi yaadachuun mallattoo nama gaariiti. Namni tola isaaf godhame yaadatu. Garuu namni yeroo rakkoo isaa namoota isaa gargaaran dagatu qima milkaa’ina isaa isa dhugaa dhabeera. Kanaafuu sadarkaa kamiillee haa geessu namoota yeroo waanti hundumtuu itti cime si waliin turan hin dagatin. Galateeffadhu isaaniif dhaabbadhu akkasumas dadhabbii isaan siif jedhanii dadhaban gatii akka qabu itti agarsiisi. @GAADDISA JAALALAA - @gaaddisa_jaalalaa