@ashe_ye_buzye_lij: #part 734 | #የአና_ማስታወሻ፦ አና ፍራንክ የ13ኛ ዓመት የልደት በዓሏ ላይ ከአባቷ በስጦታ የተቀበለቻት ያች ትንሿ ማስታወሻዋ፣ ዓለምን የሚቀይር ታሪክ እንደምትጽፍባት በፍጹም አላወቀችም ነበር። ይሁንና ይህንን ስጦታ ባገኘች በጥቂት ቀናት ውስጥ፣ በጁላይ 1942 ዓ.ም. የአና ታላቅ እህት ማርጎት ወደ ናዚ የጉልበት ሥራ ካምፕ እንድትቀርብ የሚጠይቅ አስገዳጅ መጥሪያ ደረሳት። ይህ መጥሪያ የፍርሃት መብረቅ ሆኖ ቤተሰቡን ስላወከው፣ የኦቶ ፍራንክ ቤተሰቦች አስቀድመው ያዘጋጁትን የሽሽት እቅድ በአስቸኳይ ለመተግበር ተገደዱ። ወደ መጠለያው የተጓዙት ናዚዎች እንዳይጠረጥሯቸው መኪና ወይም የሕዝብ ማመላለሻ ሳይጠቀሙ፣ በከባድ ዝናብ ውስጥ በባዶ እግራቸው እየተጓዙ ነበር። ብዙ ሻንጣ ይዞ መጓዝ ጥርጣሬ ስለሚፈጥር፣ ያላቸውን ልብሶች በሙሉ (ቀሚሶችን፣ ጃኬቶችንና ሱሪዎችን) እርስ በእርሱ ደራርበው በሰውነታቸው ላይ ለብሰውት ነበር። በዚህ አስቸጋሪ ሁኔታ ተጉዘው አቶ ፍራንክ በአምስተርዳም ከተማ በነበረው የንግድ ድርጅት የኋላ ክፍል ላይ ወደሚገኘውና በመጽሐፍ መደርደሪያ በተሸሸገው ባለ ሁለት ፎቅ ጠባብ ክፍል (Secret Annex) ውስጥ በምስጢር ገቡ። ​በዚያ ጠባብ መጠለያ ውስጥ ሕይወት ልክ እንደ ቆመ ሰዓት ነበረች። አና በወቅቱ የነበሩትን የደች ተከታታይ ታሪኮች ታነብ ስለነበር፣ በማስታወሻዋ ውስጥ "ኪቲ" የምትባል ምናባዊ የልብ ጓደኛ ፈጠረች። በዚያ ጨለማ ክፍል ውስጥ ብቸኝነቷን የምታዋየው ኪቲ በተሰኘችው የማስታወሻ ደብተሯን ነበር ። በመጠለያው ውስጥ ለሁለት ዓመታት ያህል ሲኖሩ ከሁሉ በላይ ትልቅ ፈተና የሆነው የዕለት ተዕለት ምግብ ጉዳይ ነበር። እነሱን በምስጢር የሚረዷቸው ታማኝ ደጋፊዎቻቸው ምግብ በድብቅ ያመጡላቸው የነበረ ቢሆንም፣ ጦርነቱ እየበረታ ሲሄድ ግን ሁኔታው በጣም እየከፋ መጣ። ለረጅም ወራት ዘወትር የሚመገቡት አንድ አይነት ምግብ ነበር፤ የበሰበሰ ጎመን፣ ድንች እና የደረቀ ባቄላ ብቻ። አና በማስታወሻዋ ላይ "ዛሬም ድንች፣ ነገም ድንች" እያለች ያንን የአንድ አይነት ምግብ መሰልቸትና የሆድ መራብ መሪርነት በምሬት ትገልጸው ነበር። ​ከምግቡ መጥፎነት ባሻገር፣ በዚያ ጠባብ ክፍል ውስጥ ስምንት ሰዎች ተጨናንቀው መኖራቸው የሥነ-ልቦና ጦርነት ፈጥሮ ነበር። በተለይም አና ከእለት ወደ እለት ከቤተሰቦቿ ጋር፣ በተለይም ከእናቷ ከኤዲት ፍራንክ ጋር የምትጣላው ነገር የበረታ ነበር። እናቷ እንደማትረዳት፣ እንደማትወዳትና ሁልጊዜ እንደምትወቅሳት በማሰብ በውስጧ ከፍተኛ ቅሬታ ታሳድግ ነበር። የምትማርበትን ትንሽ ጠረጴዛ ለመሻማት፣ በሰዓት አጠቃቀምና በባህሪ ባለመጣጣም ምክንያት በመካከላቸው የነበረው እልህና ጠብ ለአና ትልቅ የቤት ውስጥ ሲኦል ሆኖባት ነበር። በዚህ ሁሉ ግጭትና መከራ መካከል ግን፣ አብሯቸው ከነበረው የቫን ፔልስ ቤተሰብ ልጅ ከፒተር ጋር የተለየ የልብ ስሜት ውስጥ ገባች። ያ በጭንቀት የተሞላው ጉርምስናዋ፣ በዚያ ጠባብ ክፍል ጣሪያ ላይ ሆና ከፒተር ጋር የምታደርገው የፍቅር ሹክሹክታ እና የመጀመሪያው መሳሳም በመጠለያው ጨለማ ውስጥ ያገኘችው ብቸኛው የብርሃን ጭላንጭል ነበር። ​አና በዚህ ሁሉ ስቃይ ውስጥ ሆና የምትጽፈው ታሪክ ለራሷ ብቻ አልነበረም። በ1944 ዓ.ም. በሬዲዮ ላይ የተላለፈውን የጥሪ ድምፅ ስትሰማ፣ ከጦርነቱ በኋላ ታሪኳን ለዓለም ለማሳየት ወሰነች። በመሆኑም የድሮ ማስታወሻዎቿን በሙሉ እያወጣች፣ ስሞችን በቅጽል ስም እየቀየረች በልዩ ወረቀቶች ላይ በድጋሚ በአርትዖት መልክ ጻፈችው። ነገር ግን ናዚዎች ነሐሴ 4, 1944 የመደበቂያ ክፍላቸውን ሰብረው በገቡበት እለት፣ ሁሉንም ነገር አወደሙት። የአናን ማስታወሻ የያዘውን ቦርሳ የፈለጉት ለውስጡ ወረቀት ሳይሆን፣ ውድ የነበረውን የቆዳ ቦርሳ ለመውሰድ ብቻ ነበር። ቦርሳውን ሲያገላብጡ የአናን የወረቀት ህይወት መሬት ላይ በትነውት ሄዱ። ታማኟ እና ደፋሯ ሚፕ ጊስ የወረቀቶቹን ዋጋ ስለምታውቅ፣ ናዚዎች እንደወጡ ወደ ክፍሉ ተደብቃ በመግባት ወረቀቶቹን በሙሉ በቅጽበት ሰበሰበች። "አና ስትመለስ እራሷ ታነበዋለች" በሚል ተስፋ፣ ሳታነበው በጠረጴዛዋ መሳቢያ ውስጥ ቆልፋ አስቀመጠችው። ​አናና እህቷ ማርጎት ወደ አስፈሪው የበርገን-ቤልሰን ማሰቃያ ካምፕ ተዛወሩ። በዚያ የሞት ቀጠና ውስጥ ክረምቱ እጅግ አሰቃቂ፣ ቅዝቃዜው የበረታና ረሃቡ የከፋ ነበር። በዚህ መሪር መጠለያ ውስጥ ሆና ሳለ፣ አንድ ቀን ባልታሰበ ሁኔታ የድሮ የልጅነት ጓደኛዋን ሀነሊ ጎስላርን (በመጽሐፏ ሊዝ ያለቻትን) አገኘቻት። በካምፑ ውስጥ በመካከላቸው በተዘረጋውና በጨርቅ በተሸፈነው የእሾህ አጥር ላይ ሆነው በድብቅ ሲገናኙ፣ ሀነሊ ያየቻት አና ግን የድሮዋ ተጫዋች ልጅ አልነበረችም። አና በበሽታና በብርድ ተመትታ፣ ሰውነቷ አልቆና ከስታ፣ እጅግ በጣም ታማ ነበር ያገኘቻት። አና ለጓደኛዋ "ምንም ልብስ የለኝም፣ በጣም እየበረደኝ ነው፣ በብርድ ልብስ ፋንታ ጨርቅ ነው የለበስኩት" እያለች በከፍተኛ ስቃይ ውስጥ ሆና ትናገር ነበር። ቤተሰቦቿ በሙሉ የተገደሉ መስሏት ሙሉ በሙሉ ተስፋ ቆርጣ ነበር። ጓደኛዋ ሀነሊ ከአጥሩ ማዶ ጥቂት የምግብ እሽግ ወርውራላት የነበረ ቢሆንም፣ የአና ሕይወት ግን ወደ ማብቂያው ተቃርቦ ነበር። በበርገን-ቤልሰን የናዚ ማሰቃያ ካምፕ ውስጥ በ1945 ዓ.ም. መጀመሪያ ላይ የነበረው ሁኔታ ፍጹም የገሃነም ያህል የከፋ ነበር። በሺዎች የሚቆጠሩ እስረኞች በተጨናነቁበት፣ ምንም አይነት ንጽህና በሌለው እና ምግብ በጠፋበት በዚያ ጨለማ ስፍራ ውስጥ ታይፈስ የተባለው አስፈሪና ተላላፊ በሽታ ተቀሰቀሰ። በሽታው የሚተላለፈው በቅማልና በቆሻሻ አማካኝነት ስለነበር፣ በብርድና በረሃብ የሰለለው የአና እና የእህቷ ማርጎት አካል በሽታውን የመከላከል አቅም ስላልነበረው አና እህቷን በዚሁ በሽታ በርሃብና በብርድ ምክንያት አታታለች። አና ፍራንክም በተመሳሳይ በታይፈስ በሽታና በከፍተኛ የሰውነት መድረቅ ምክንያት በ15 ዓመቷ ሕይወቷ አለፈ። የሞተችው ልክ እንደ ሌሎች በሚሊዮን የሚቆጠሩ አይሁዳውያን ሁሉ፣ ያለምንም የቀብር ሥነ-ሥርዓት በካምፑ ውስጥ በተቆፈረው የጋራ መቃብር (Mass grave) ውስጥ ተጥላ ነበር፤ ​በ15 ዓመቷ በበሽታና በረሃብ በአሰቃቂ ሁኔታ ብትሞትም፣ የጻፈችው ማስታወሻ ግን ከሞት በኋላ ህያው አድርጓታል። ይህ መጽሐፍ አንዲት ታዳጊ ልጅ ያሳለፈችው እውነተኛ የሕይወት ክፍል ስለሆነ ነው ዛሬም ድረስ በዓለም ዙሪያ በሚሊዮን የሚቆጠሩ ሰዎችን ልብ የሚነካው። መጽሐፉ መጀመሪያ ሲታተም አባቷ ኦቶ ፍራንክ ለአና ክብር ሲል አንዳንድ ክፍሎችን፣ በተለይም አና ስለ እናቷ የጻፈችውን ጠንከር ያለ ትችት ቀንሷቸው ነበር። በቅርቡ ተመራማሪዎች በዲጂታል ኤክስሬይ ቴክኖሎጂ በመጠቀም በአና ማስታወሻ ላይ በቡናማ ወረቀት ለጥፋ የሸፈነቻቸውን ገጾች አግኝተዋል። እዚያ ውስጥ አና የጻፈቻቸው የጎረምሶች ቀልዶችና ስለ ወሲባዊ ትምህርት የሰማቻቸው ወሬዎች ነበሩ። ይህ የሚያሳየው አና ምንም ያህል በአስፈሪ ሁኔታ ውስጥ ብትሆንም፣ አሁንም መደበኛ ፍላጎት ያላት ታዳጊ ልጅ እንደነበረች ነው። ((እስኪ መፅሐፉን ያነበባችሁ ስለ መፅሐፉ እና ስለ አና የነበራችሁን ትውስታ በcomment አካፍሉኝ አናን እንዴት ነበር የምታስታውሷት?)) #አሼ_ነኝ✌ #ቤቱን_like_share_follow_copylink_repost_ማድረጋችሁን_አትርሱ🙏

Äşĥę Mąñ✍✌

Open In TikTok:

Region: ET

Saturday 06 June 2026 15:29:48 GMT