تقييمي للطبق ٦/١٠ ماهو افضل شي سويته لكن لذيذ 🧍🏻‍♀️ اما بالنسبه للعصير الجح رهيبب ١٠/١٠ يسرسح 🍉 👾✨ - المقادير: للدجاج: * صدور دجاج * لبن * شطة * مويه مخلل خيار * بابريكا * زعتر بري أو بقدونس مجفف للتغليف: * طحين * نشا ذرة * بابريكا * ثوم بودرة * بصل بودرة * بقدونس مجفف * ملح وفلفل اسود * شوية بايكنج باودر للصوص: * ٣/٤ كوب باربكيو صوص * ٣/٤ كوب عسل * ملعقتين كبار خردل * عصير نصف ليمونة متوسطة * ١/٢ كوب مايونيز للتقديم: * خبز بريتزل * مخلل خيار * خس * شرائح امريكن تشيز الطريقة: اول شي تبلت صدور الدجاج باللبن والشطة ومويه مخلل الخيار مع البابريكا والزعتر البري، وبعدها خليتها تتبل شوي على جنب. في صحن ثاني جهزت الخلطة الجافة بخلط الطحين ونشا الذرة مع البابريكا والثوم والبصل البودرة والبقدونس المجفف والملح والفلفل الاسود وشوية بايكنج باودر. قطعت الدجاج شرايح، وبعدها غطست كل قطعة بالتتبيلة ثم بالخليط الجاف. كررت نفس الخطوة مرة ثانية علشان احصل على طبقة سميكة ومقرمشة، لكن إذا تحبون التغليف اخف تقدرون تكتفون بمرة وحدة. قليت الدجاج لين استوى واخذ لون ذهبي جميل، وبعدها حطيته على شبك دقايق بسيطة علشان ينزل الزيت الزايد ويحافظ على قرمشته. مباشرة حطيت فوقه شرائح الامريكن تشيز وخليت حرارة الدجاج تذوب الجبن. للصوص خلطت الباربكيو صوص مع العسل والخردل والمايونيز وعصير الليمون لين تجانس. الكمية تكفي اكثر من برجر، فإذا تبغون كمية اقل سووا نصف المقادير. للتقديم، حطيت الصوص داخل خبز البريتزل مع مخلل الخيار والخس، وبعدها قطعة الدجاج المقرمش، وزدت شوي من الصوص فوق الدجاج. وبس عليكم بالف عافيه 💗 - @noor3_33