İbrahim Hadi313 :
Ölüm nə xoş olar mənə, yar bir nəzər etsə, Ya Hu,
Viran könlüm eşq ilə başdan səfər etsə, Ya Hu.
Ölüm nə şirin olar, canan gülümsərsə mənə,
Qəm mülkümə bir anlıq nurdan xəbər etsə, Ya Hu.
Son dəfə gözüm düşə o məst baxan gözlərinə,
Min hicran gecəsini bircə səhər etsə, Ya Hu.
Son dəfə duyum ətrini keçərkən xəyal kimi,
Can mülkünü müşk ilə ənbər-gühər etsə, Ya Hu.
Mən bilirəm, bir gün torpaq olar bu bədən,
O sərv boylu yar gəlib qəbrim ziyarət etsə, Ya Hu.
Məni ağladan o gözlər yaş ilə dolub-daşaraq,
Məzarım üstə axıb bir bəhrü-bər etsə, Ya Hu.
Vüsaləm eşqi ilə yandım, bu sirri kimsə bilmədi,
O eşq məni Haqq ilə bir müxtəsər etsə, Ya Hu.
Baqir deyər: ölüm deyil aşiq üçün son mənzil,
Can Haqqa uçub eşq ilə tərki-diyar etsə, Ya Hu.
Muhəmməd Baqir Haşimzadə
2026-06-06 18:46:00