@ba7re.1: ئیتر کاتی ئەوە هاتووە ڕاستییەکان وەک خۆی لێکبدەمەوە و کۆتایی بەم گێژاوە بهێنم. لەو ساتە بێدەنگ و تاریکانەی شەودا کە ناخی مرۆڤ لە تەنیاییدا دەخنکێت، من خەریکی کێشانی نەخشەیەک بووم بۆ نزیکبوونەوە لە تۆ، بەو هیوایەی کەمێک لەو سۆز و بارانە بێبڕانەوەیەی ساڵانێک بوو بەسەرتا دەمباراند، بە شێوەی وەڵامێکی کورت لە نامەیەکدا بۆم بگەڕێتەوە. چاوەکانم لەسەر شاشەکە وشک بوون، چرکەکان تێپەڕین و خوێندنەوەی نامەکەم تەنها بێدەنگیی لێکەوتەوە. ئازارەکە لەو بێدەنگییەدا نەبوو، بەڵکوو کاتێک تەقییەوە کە بینیم لە ناو جیهانی سۆشیال میدیادا خەریکی پێكەنین و دابەشکردنی کاتەکانتیت بەسەر نامۆکاندا، بێ ئەوەی من هیچ حیسابێکم بۆ بکرێت! لەو چرکەساتەدا بوو کە تێگەیشتم؛ تێگەیشتم ساردبوونەوەی تۆ لادان نییە، بەڵکوو نیشانەی تێربوونی تۆیە لەو هەموو ڕێز و گەورەییەی پێم بەخشیویت. تۆ منت وەک سێبەرێک دەویست کە تەنها لە کاتی ئاوابوونی خۆری ژیانتدا پەنای بۆ بەریت، نەک لە ناو ڕووناكی و شاهانەیی خۆتدا. لێرەوە فێری گەورەترین وانەی تەمەن بووم؛ خیانەت تەنها لەدەستدانی جەستەیی نییە، بەڵکوو گەورەترین و بەسوێترین خیانەت ئەوەیە کە کەسێک لە ناو دڵتدا بمرێت بۆت، بەڵام تۆ لە دەرەوەی دڵت خەریکی ڕابواردن و کات بەسەربردن بیت. ئەم ڕووداوە وەک تەمبێکردنێک بوو بۆ من کە چیتر "بوون"ی خۆم نەکەمە خەڵات بۆ کەسێک کە تەنها لە ڕێگەی "ونبوون"مەوە دەتوانێت قەدر و بەهای ڕاستەقینەم تێبگات. هەندێک مرۆڤ تەنها شایەنی ئەوەن لە دوورەوە وەک باڵندەیەکی نامۆ سەیری فڕینیان بکەیت و بۆ هەمیشە لە قەڵەمڕەوی ناخت دەریانبکەیت. مرۆڤەکان کاتێک گرنگیپێدانی بێ سنوور دەبینن، وا دەزانن تۆ موڵکێکی ئەبەدی ئەوانیت و هەرگیز ناڕۆیت، بۆیە لە جیاتی نزیکبوونەوە، بە لووتبەرزییەوە سارد دەبنەوە. کاتێک عەشق دەبێتە هۆی سووککردنی کەرامەت، تاکە چارەسەر پاشەکشەیەکی پڕ لە شکۆیە. ئێستا باش گوێ بگرە؛ ئەگەر من ڕۆژێک لە پێناو عەشقی تۆدا غروری خۆمم نزم کردبێتەوە، واتای ئەوە نەبوو کە من کەرامەتم نییە، بەڵکوو نیشانەی گەورەیی و توانای قوربانیدانی من بوو. بەڵام کاتێک بینیم تۆ بە بێدەربەستییەوە تەنها وەک کایەیەک و وێستگەیەکی کاتی سەیری ئەو هەموو پاکییەت کرد، لێرەوە ئیتر چیای سەربەرزیی و غروری من لوتکە دەگرێتەوە. من بە هیچ شێوەیەک پاشەکشە ناکەم چونکە شکاوم، بەڵکوو دەڕۆم چونکە جێگای من هەمیشە لە لوتکەدایە و هێڵە سوورەکانی کەرامەتم ناهێڵن لە ئاستی بێڕێزیی کەسدا بمێنمەوە. ئەو غرورەی کە کاتی خۆی لەبەر پێی تۆدا کڕڕ کەمبوو، ئێستا بووەتە دیوارێکی پۆڵایین لە نێوانماندا. تۆ نەتزانی چ جۆرە نیشتمان و عەشقێکی ئەبەدیت لەدەستی خۆت دا؛ من دەڕۆم و دڵنیابە چیدی لە هیچ کونجێکی ئەم جیهانەدا هاوشێوەی من بەدی ناکەیت، چونکە من یەکجار لە دایک دەبم لە ژیانی مرۆڤەکاندا، و تۆ ئەو چانسە شاهانەیەت بۆ هەمیشە و تا هەتایە لەدەستدا. بەرواری ئەمشەو: ٢٠٢٦/٦/٧...#نەمویسط #brokeennnnnnn #ba7reeeeeeee

3037

244

2026-06-07 00:16:07

2026-06-06 23:20:28

To see more videos from user @ba7re.1, please go to the Tikwm homepage.