@nadeemtabish02: بارِ حیات اُٹھائیے، تنہا اُٹھائیے یہ بوجھ آپ سے نہیں اٹھتا، اٹھائیے وحشت میں خاک اُڑانی ہی مقسُوم ہے، تو پھر اک مشتِ خاک کیا سرِ صحرا اُٹھائیے اُن خفتگانِ راہ کو ہمراہ لے چلیں قدموں کے ساتھ نقشِ کفِ پا اُٹھائیے بیمارِ عصر جلد شفایاب ہو سکیں ! گہوارے سے اِک اور مسِیحا اُٹھائیے دِل میں نَفاظِ شوق کی طاقت کہاں سے لائیں کوزے میں کیا تلاطمِ دریا اُٹھائیے دُنیا سے زندگی کا بڑا حوصلہ مِلا احساں کی طرح، ہر غمِ دُنیا اُٹھائیے نادِیدہ منظرُوں کو اگر چاہیں دیکھنا اپنی ہی ذات سے کوئی پردہ اُٹھائیے پامردِیوں سے گُزرے ہیں جو راہِ شوق میں پلکوں سے، اُن کی نقشِ کفِ پا اُٹھائیے تابش! سہارا لیجے نہ اُمّید و بیم کا تنہا کبھی حجابِ تمنّا اٹھائیے تابِش دہلوی . . . . . #barehayatuthayeaytanhauthayeay #tabishdehlvipoetry #todaytrendingpoetry #nadeemtabish #foryou