@dollishhouse: ⁨ صالونة دياي لذيذة وسهلة 😍 أول شي نحط في قدر الضغط فنجان سمن عربي وفنجان زيت، ويفضل يكون الزيت شوي أكثر عشان يعطي نكهة أحلى. بعدها نضيف البصل ونقلبه لين ياخذ لون بني، وبعدها نحط البهارات: ملعقة كبيرة بهارات عربية، وملعقة كبيرة بهارات ماجي للدجاج، وملعقة كبيرة كاري، وملعقة كبيرة بابريكا، وملعقة صغيرة كركم، وملعقة صغيرة فلفل أسود، وشوي فلفل حار. بعد نضيف كم حبة هيل، وكم حبة كمون، وكم حبة كزبرة حب، وورق غار، وعود قرفة، وحبتين لومي يابس، ونحمس الكل مع بعض عدل. نضيف ملعقتين كبار معجون طماط، وبعدها ثوم مهروس، ثم نضيف الدجاج ونقلبه مع البهارات حوالي 10 دقايق لين يتشرب النكهات. بعدها نضيف حبة طماط مقشرة ومقطعة، وحبة بطاط مقطعة، وحبة جزر مقطعة، وحبة فلفل أخضر، وشوية بقدونس وكزبرة خضراء، ونخلطهم مع بعض ونخليهم يطبخون 5 إلى 6 دقايق. نضيف كوب إلى كوب ونص ماي، ونضبط الملح، ونسكر قدر الضغط لمدة 25 دقيقة تقريباً لين يستوي الدجاج تماماً. آخر شي بعد ما يستوي الدجاج نضيف فنجان عصير ليمون طازج. وبالعافية عليكم #دجاج#صالونة#مجبوس#كبسة#برياني⁩

Dollish House

Open In TikTok:

Region: AE

Sunday 07 June 2026 13:00:02 GMT