@maverick_lev: مجھے پتہ تھا کہ ایک دن تم نے چلے جانا ہے، یہ رشتہ کسی خزاں رسیدہ شاخ کی طرح ٹوٹ جانا ہے، مگر میں پھر بھی خاموشی سے تمہارے لفظوں کو سنتا رہا، تمہاری آنکھوں میں جھوٹے وعدوں کی روشنی کو پڑھتا رہا۔ مجھے معلوم تھا محبت تمہارے لیے شاید وقتی جذبہ تھی، اور میرے لیے عبادت جیسی کوئی مقدس دعا تھی۔ میں نے تمہارے بدلتے لہجوں کو بھی محسوس کیا تھا، رات گئے ختم ہوتے رابطوں کا مطلب بھی جان لیا تھا، مگر دل عجیب ضدی تھا، ہر بار تمہیں کھونے کے خوف میں تمہیں مزید چاہنے لگتا تھا۔ مجھے بس انتظار تھا اس دن کا، جب تم کوئی نیا عذر تراشو گے، کوئی بے جان سی وجہ سنا کر اپنی بے وفائی کو قسمت کا نام دو گے۔ شاید تم کہتے “تم بدل گئے ہو…” یا یہ کہ “اب پہلے جیسی بات نہیں رہی…” حالانکہ حقیقت یہ تھی کہ محبت میں کمی کبھی میری طرف سے نہیں آئی تھی۔ تم نے آہستہ آہستہ فاصلے بڑھائے، اور میں ہر فاصلے کو اپنی غلطی سمجھ کر مٹاتا رہا۔ تم نے خاموشیوں کو ہتھیار بنایا، اور میں ہر خاموشی میں اپنی سزا ڈھونڈتا رہا۔ پھر ایک دن تم نے واقعی چھوڑ دیا، اتنی آسانی سے جیسے برسوں کا تعلق محض چند دنوں کی کہانی ہو۔ اور حیرت یہ ہے کہ تمہارے جانے کے بعد بھی مجھے تم سے نفرت نہیں ہوئی۔ بس دل نے اتنا کہا: “دیکھ لیا؟ جس شخص کے لیے تم نے دعائیں مانگی تھیں، وہی شخص تمہیں ادھورا چھوڑ گیا۔” اب کبھی کبھی رات کے آخری پہر تمہاری یاد آتی ہے تو ہنسی آ جاتی ہے، کیونکہ مجھے تمہارے جانے کا یقین پہلے ہی تھا، میں تو صرف یہ دیکھنا چاہتا تھا کہ آخر تم بہانہ کیا بناؤ گے۔ Maverick_LEV⚔️

maverick_lev

Open In TikTok:

Region: PK

Sunday 07 June 2026 18:56:25 GMT