@jacylooow: Waxaan la noolahay xasuus culayskeedu qalbiga daashaday. Waxaa jira maalmo aan iska dhigayo inaan xoogganahay, iyo habeenno ay xasuustu albaabka qalbigayga si aamusnaan ah u soo garaacdo. Ma aha inaan doonayo inay ila joogto, balse mararka qaar waxaa adag in laga cararo wax qalbiga ku reebay raad aan waqtigu tirtirin. Waxaan waayay waxyaabo aan u haystay inay weligood ila jiri doonaan, waxaan ka tagay riyooyin aan ku dhisay mustaqbalkayga, waxaana bartay in noloshu mararka qaar ay ku siiso casharro xanuunkoodu ka weyn yahay ereyada lagu cabbiri karo. Si kastaba ha ahaatee, ma aanan dooran inaan ku noolaado murugo keliya. In kasta oo qalbigu daalay, haddana rajadu weli way igu nooshahay. Waxay ii sheegaysaa in dhaawac kasta uu leeyahay bogsiin, in ilmo kasta uu leeyahay maalin uu dhoolla-caddayn isu beddelo, iyo in qofka maanta la halgamaya xanuunka uu berri noqon karo qof dadka kale rajo siiya. Ma lihi waan illoobay, mana lihi xanuunku wuu dhammaaday. Waxa keliya ee aan ogahay waa inaan weli socdaal ku jiro, anigoo u socda berri ka qurux badan, berri ay nabaddu qalbigayga degto, bogsiintuna ay ka xoog badnaato xasuusta. Waxaan rumaysanahay in qofka ugu dhaawaca badan uusan ahayn kan dhacay, balse uu yahay kan diida inuu mar kale istaago. Aniguna waxaan doortay inaan istaago, inaan socdo, oo aan aamino in maalin uun uu Ilaahay qalbiga daallan ku beddeli doono farxad uu muddo sugayay. Waayo xanuunku wuu daahin karaa, laakiin rajadu marna ma dhinto.#qalinkiimucaashaq