@mohsabrey: #العمرة #الحج #استمتع أنا نفسي الناس تتعامل مع العمرة بنفس الطريقة اللي بتتعامل بيها مع أي سفر أو سياحة... تقارن... وتسأل... وتدور... وتفهم هي بتدفع في إيه بالضبط. لأن بصراحة، في ناس كتير جدًا بتدفع مبالغ كبيرة وهي مش محتاجة تدفعها. والله ثم والله... أنا قبل كده حجزت لنفسي تذاكر طيران من الأقصر لفرنسا ب ١٩٠٠ جنيه مصري ، ومن فرنسا لميلانو، ومن ميلانو للأقصر بأسعار لو قلتها لحد ممكن يستغرب. والله ٢٣٠٠ جنيه مصري مش الفكرة إنك تدور على الأرخص وخلاص... الفكرة إنك تعرف توفر في الحاجات اللي مش هتفرق معاك في العبادة. اسأل نفسك بصراحة... إيه أهم حاجة رايح عشانها؟ الفندق؟ ولا العمرة؟ وإيه اللي هيفرق معاك أكتر؟ عدد الأمتار بينك وبين الحرم؟ ولا عدد الساعات اللي هتقضيها جوه الحرم؟ 85% من المعتمرين أصلًا بينزلوا الحرم قبل العصر بساعة، ويقعدوا لحد بعد الفجر. طيب لو أنت أغلب يومك في الحرم... يبقى فارق معاك أوي السكن قريب كام متر ولا بعيد كام متر؟ السنة اللي فاتت سافرنا يوم 16 رمضان ورجعنا ليلة العيد... وعملنا رحلة جميلة ومريحة جدًا، وتكلفتها كانت أقل بكتير من الأرقام اللي الناس متخيلة إن لازم تتدفع في عمرة رمضان. كانت تكلفتها ٤٥٠٠٠ جنيه الفكرة مش إنك تاخد أقل سعر. الفكرة إنك تدفع فلوسك في المكان الصح. توفر في الطيران لما ينفع التوفير. وتوفر في السكن لما يكون التوفير مش هيأثر على راحتك. وتوجه فرق الفلوس لحاجات أهم ليك ولأسرتك. العمرة عبادة... ومش لازم تكون مكلفة عشان تكون جميلة. ومش كل برنامج سعره أعلى يبقى أفضل. اللي بيفهم في تفاصيل التأشيرة والطيران والسكن، يقدر يعمل عمرة محترمة جدًا بتكلفة أقل بكتير مما الناس متخيلة. فكر فيها... يمكن تكون أقرب لبيت الله من اللي أنت متصور، بس محتاجة حد يوريك الطريق الصح. الفيديو و احنا راجعين بس كنا تايهين باين 😂😂😂😂
