@3li_aldhbe249: الدهب ،،،،،، التراب البيشيل الروح قبل العمر 🌵 - المنجم ما حفرة في الواطة وبس ، المنجم دا قبر مفتوح . بتدخلو برجليك وانت حي ، وما ضامن تطلع منو. بنصحى قبل الفجر ،والمعول في الكتف تقيل كأنو شايل هم الدنيا كلها. ننزل البير والضلام يبلعنا ، ريحة التراب والموية المالحة تخنق ، وصوت الناس يضرب في الصغر كانو بيضرب في ضلوعك وصدى أنفاسهم تتعالى في شهيقهم وزفيرهم ، يدك تتشقق ، ضهرك ينكسر ، وعرقك ينزل يملح عيونك ، تقول الليلة ،الليلة الله بيفرجها . تحفر ،يوم ،أسبوع، شهر ، تفتت الحجر بسنونك لو لذم ،تبيت في الخلا البرد ياكل عضمك، تبعد من اولادك مرات بالسنين ، تقول معليش عشان بكرة يرتاحو ، تتوحم على لقمة نضيفة ونومة في بيتك ، لكن تقول الصبر طيب . ،،،،،، وفجأة! تلقي الجرام ، جرام واحد بعد موت احمر ، تحسبها تلقاها خسرانة ، حق الأكل والدين والبنزين، اكتر من البريق البيكضب ده . صاحبك الجمبك رزقو ضرب ، طلع بكوم دهب ، وانت ترابك فالصو . بتسأل نفسك ؟ ليه انا ما تعبت ؟ انا ما سافرت ؟ بيقولوا ليك الدهب رزق . والرزق ما بجي بالقوة . لكن كيف تقنع رجليك اللي ورمن من الوقفة ؟ 😔 كيف تقنع كتفك المأكول من رفع الشوالات ؟ المنجم علمنا انو التعب براهو ما بيجيب قروش ،علمنا انو ممكن تفني شبابك في حفرة ! وتطلع منها بيدين فاضيين وقلب مليان غبن . الدهب دا كضاب ، بيلمع ليك من بعيد ، يسحبك ليهو ،ولما تقرب بيوريك وشو التاني 😄 وش التراب ، وش الخسارة ، وش العشم البيموت كل مغربية مع الشمس. ما اي بئر فيها موية ، وما اي منجم فيهو دهب ، ومرات الرزق بيكون في العافية الطلعت بيها ، في أنك رجعت لأهلك حي ، لكن منو بيقتنع ؟ طول ما الجيب فاضي القلب ، بيظل جعان . الخلاصة انو ما تفقد املك الرزق ما في الدهب بس اللهم ارزق كل من عانا وتعب أن لا تذهب تعبه سدا ً يا رب. محبات لي كل مجازف#ربنا_يصلح_حال_البلد🇸🇩 #دهابه_مو_غلابه🇸🇩✌ #ماليزي_ارساليه♥🇸🇩

خـ📿ـالـ🥀ــد🥷✌🥷 :

ربنآ يحفظنا جميعنا الفي دهابة

التاسعة 1050 📿💪 :

الله يرزق 🙏

خالد الجقر الاصلي 🤘 :

عشمنا في الله كبير ❤️

مصطفى فضل صديق :

والله الكلام كانو انا بقرا في قصة حياتي حاصل معاي حاليا 💔❤️‍🩹🥰 اللهم ارزقنا من اوسع ابواب رزقك الحمد لله دايما وابدا ،له الفضل والسناء

أقدارنا مكتوبه :

ما دهابي لكن احب الدهاب وكان نفسي وحتى اليوم نفسي في المجال دا بس القدر ما سمح لي تحية لكل داهبي ارفع ارفع

رفيق الاحزان Borie :

امير ود كابو 515 :

هذا الكلام يمثلني يا قلب اخوك انا من ٢٠١٩ جاري في درب الدهب وكل مرة يسوقني العشم وارجع اقول مافي قسمة 🥰🥰والحمدلله على كل حال الحمدلله علي النفس الطالع مننا وعلي العافية في جسمنا 🥰ابقى عافية 🥰

الغريــــــــــــب 515 @🫡 :

ربناا يسهل عليكم

🚬🧃مـاكـس| M A X🧃🚬 :

كلام عميق والله يا ماليزي💜

التركي ودالريف الكردفاني :

ربنا يرزق الجميع

🔋ᏃᎶ_Ꭿ ᏔᎥ.ᏞᎥᏰ ᎽᎯ ☆ زغاوي ليبيا :

كلام درر ي ضراع ربنا يكون في العون ويرفع في اعلي إلمقام ي اخوك ❤️❤️

parsa_Aldahabi :

ربنا يرزق جميع الدهابة تحياتي ومحباتي لك ❤️❤️❤️

Solaf SFG2@ :

ما كذبت والله ي زميل

𝐚𝐦𝐠𝐚𝐝 𝐚𝐰𝐚𝐝 :

محبات ليك انت ي وحش والله ♥️♥️

🫡Sufian Melige🫡 :

ربنا يرزق الجميع 🤲

خاااااال مضر الكااااهلي :

الحمد لله دايما وابدا ي رب

نبض القلب ❤️ :

ربنايوفقكم ويرزقكم زرقاحلالاطيبا

حسن تريباي تريباي :

في واحد يحنس فيني امشي الدهب بدل السعودي ادوني رايكم 🥰🥰🥰

𝒂𝒍𝒗𝒊𝒕𝒐♥🇸🇩♥ :

فعلاً والله ربنا يصلح الحال إن شاءالله

Gedo Alrasam :

بمثلي الكلام دا انا شخصيآ ربنا يفتح علينا ويصلح حال البلاد جنقو مسامير الأرض ✌️

محمد عبدالرحمن فضل المولا :

والله حقيقه انا حسيت المقال مكتوب لي انا

💦بدر خلعه💖 :

ودامي ليك شوق والله ربنااا يرزقك ويوفقك يارب

Bashir Jizi ✌ :

ربنا يحفظ جميع الدهابة يارب

مستعين المسلمي 511 :

ربنا يسهل لي كل زول معاني 🥰🥰

Galal903 :

الكابشن ده وين