#လူမှုဖူလုံရေး - ၆ အကျိုးခံစားခွင့် ၁၅ မျိုး အလုပ်သမားဥပဒေအကြောင်း သိကောင်းစရာ - ၃၀ လူမှုဖူလုံရေးအဖွဲ့မှ လက်ရှိအကောင်အထည်ဖော်ဆောင်ရွက်လျက်ရှိသောအာမခံစနစ်အလိုက် ရရှိမည့် ငွေကြေးအကျိုးခံစားခွင့် (၁၅) မျိုးကို မှတ်ပုံတင်ကာလနှင့် ထည့်ဝင်ကြေးကာလတို့ ပေါ်မူတည်ပြီး ခံစားခွင့်များ မည်သို့ရရှိမည်ကို စုစည်းဖော်ပြပေးလိုက်ရပါတယ်။ လူမှုဖူလုံရေးဥပဒေတွင် မှတ်ပုံမတင်မနေရ မှတ်ပုံတင်ရမည့် အလုပ်သမား(၅) ဦးနှင့်အထက် စီးပွားရေး လုပ်ငန်းလုပ်ကိုင်သော အစိုးရဌာန၊ အဖွဲ့အစည်းများနှင့် ပုဂ္ဂလိက လုပ်ငန်းဌာနများသည် လုပ်ငန်း စတင်လုပ်ကိုင်ပြီး ရက်ပေါင်း (၃၀) အတွင်း အလုပ်ဌာနအား လူမှုူဖူလုံရေး အဖွဲ့တွင် အကျုံးဝင်မှတ်ပုံတင်ရမည် ဖြစ်ပါတယ်။ အလုပ်ဌာနမှတ်ပုံတင်စဉ်မှ အလုပ်လုပ်ကိုင်နေသည့် အလုပ်သမားအားလုံးကို အကျုံးဝင်မှတ်ပုံတင်ရန် လိုအပ် ပါသည်။ အလုပ်သမား အသစ်ခန့်ပြီးတိုင်း (၁၀) ရက်အတွင်း မဖြစ်မနေ မှတ်ပုံတင်ရန်လိုအပ်ပါတယ်။ အလုပ်သမားတစ်ဦးသည် လူမှုဖူလုံရေးအဖွဲ့တွင် အကျုံးဝင်မှတ်ပုံတင်ပြီးသည်နှင့် လက်ရှိ အကောင်အထည် ဖော်နေသည့် ကျန်းမာရေးနှင့် လူမှုရေးစောင့်ရှောက်မှုအာမခံစနစ်နှင့် အလုပ်တွင် ထိခိုက်မှုကျိုးခံစားခွင့် အာမခံစနစ် (၂) မျိုး အောက်ရှိ ဆေးကုသမှုခံယူခွင့်နှင့် ငွေကြေးအကျိုးခံစားခွင့် (၁၅) မျိုးကို မှတ်ပုံတင် ကာလနှင့် ထည့်ဝင်ကြေးကာလတွေပေါ်မှာ မူတည်ပြီး ခံစားခွင့်ရရှိမှာဖြစ်ပါတယ်။ အာမခံအလုပ်သမားတစ်ဦးသည် မှတ်ပုံတင်ပြီးသည်နှင့် ထည့်ဝင်ကြေးမပေးသွင်းရသေးသော်လည်း ဖော်ပြပါ ခံစားခွင့် (၅) မျိုးကို ခံစားခွင့်ရှိမည်ဖြစ်ပါသည် - (၁) ဆေးကုသမှုခံယူခွင့် (၅၂ ပတ် သို့မဟုတ် ပျောက်ကင်းသည်အထိ) (၂) ယာယီမသန်စွမ်းမှုအကျိုးခံစားခွင့် (လွန်ခဲ့သော လေးလအတွင်း ရရှိသော ပျမ်းမျှလုပ်ခလစာ၏ ၇၀% အများဆုံး ၅၂ ပတ်အထိ ခံစားခွင့်) (၃) အမြဲတမ်းမသန်စွမ်းမှုအကျိုးခံစားခွင့် (လုပ်အားဆုံးရှုံးမှုပေါ်မူတည်၍ ၅ နှစ်စာ ငွေလုံးငွေရင်းမှ ၇နှစ်စာ ငွေလုံးငွေရင်းထိ) (၄) ကျန်ရစ်သူအကျိုးခံစားခွင့်(ပေးသွင်းထားသော ထည့်ဝင်ကြေးကာလပေါ်မူတည်၍ လွန်ခဲ့သော လေးလ အတွင်း ရရှိသောပျမ်းမျှလုပ်ခလစာ ၏ အဆ ၃၀ မှ အဆ ၈၀ထိ) (၅) နာရေးစရိတ်အကျိုးခံစားခွင့် (လွန်ခဲ့သော လေးလအတွင်း ရရှိသော ပျမ်းမျှလုပ်ခ လစာ၏ ၁ ဆမှ ၅ ဆအထိ) ရရှိနိုင်ပါတယ်။ မှတ်ပုံတင်ကာလ ၆ လ ထည့်ဝင်ကြေး ၄ လ ရှိပါက ခံစားခွင့် (၆) မကျန်းမာမှု အကျိုးခံစားခွင့် (အများဆုံး ၂၆ ပတ်ခံစားခွင့်အထိကို လွန်ခဲ့သော လေးလအတွင်း ရရှိသော ပျမ်းမျှလုပ်ခလစာ၏ ၆၀%) မှတ်ပုံတင်ကာလ ၁၂ လ ထည့်ဝင်ကြေး ၆ လ ရှိပါက ဖော်ပြပါ ခံစားခွင့် (၇)မျိုးကို ခံစားခွင့်ရှိပါသည် - (၇) မီးဖွားမှုအကျိုးခံစားခွင့် (မီးမဖွားမီ ၆ ပတ်၊ မီးဖွားပြီး ၈ ပတ်၊ အမွှာကလေးမွေးသူများ အတွက် နောက်ထပ် ၄ ပတ် အထိကို လွန်ခဲ့သော ၁၂ လအတွင်း ရရှိသောပျမ်းမျှလုပ်ခလစာ၏ ၇၀% ခံစားခွင့်) (၈) အာမခံအမျိုးသမီးမီးဖွားစရိတ် (လွန်ခဲ့သော ၁၂ လအတွင်း ရရှိသော ပျမ်းမျှလုပ်ခလစာ၏ ကလေး တစ်ဦးမွေးဖွားလျှင်၅၀% ၊ နှစ်ဦးဆို ၇၅ %၊ ၃ ဦးနှင့် အထက် ၁၀၀% ထိခံစားခွင့်) (၉) ကိုယ်ဝန်ပျက်မှု အတွက် အကျိုးခံစားခွင့်၊(လွန်ခဲ့သော ၁၂လအတွင်း ရရှိသော ပျမ်းမျှလုပ်ခလစာ၏ ၇၀% ကို ၆ ပတ်အထိ ခံစားခွင့်) (၁၀) တစ်နှစ်အောက်ကလေးမွေးစားမှုအတွက် အကျိုးခံစားခွင့်၊ (လွန်ခဲ့သော ၁၂လ အတွင်း ရရှိသော ပျမ်းမျှလုပ်ခလစာ၏ ၇၀% ကို ၈ ပတ်အထိ ခံစားခွင့်) (၁၁) ဖခင်ဘဝဖြစ်မှု အကျိုးခံစားခွင့် (လွန်ခဲ့သော ၁၂လအတွင်း ရရှိသောပျမ်းမျှ လုပ်ခလစာ၏ ၇၀% ကို အများ ဆုံးခွင့် ၁၅ ရက်ထိ ခံစားခွင့်) (၁၂) ဖခင်ဘဝဖြစ်မှုအတွက် မီးဖွားစရိတ်၊ (အာမခံထားသူ အမျိုးသမီးများ ခံစားခွင့်၏ ထက်ဝက်ခံစားခွင့်) (၁၃) အာမခံအမျိုးသမီးအလုပ်သမား၏ မွေးကင်းစကလေးအား တစ်နှစ်အထိ ဆေး ကုသမှု ခံယူခွင့်၊ ၁၉၅၄ ခုနှစ်၊ အက်ဥပဒေနှင့် ၂၀၁၂ ခုနှစ်၊ ဥပဒေနှစ်ရပ်ပေါင်း ထည့်ဝင်ကြေးကာလ (၁၈၀) လ ရှိပါက (၁၄) သတ်မှတ်ချက်များနှင့် အညီ ဆေးကုသမှု ဆက်လက်ခံယူခွင့် မှတ်ပုံတင်ကာလ ၁ လအတွင်း ထည့်ဝင်ကြေးပေးသွင်းထားပါက (၁၅) ဆေးဖိုးနှင့် ခရီးစရိတ်များပြန်လည်ထုတ်ပေးခြင်းတို့ကို ခံစားခွင့်ရှိပါတယ်။ လူမှုဖူလုံရေး အာမခံအကျိုးခံစားခွင့်တွေကို လျှောက်ထားသည့်အခါ လူမှုဖူလုံရေးအဖွဲ့တွင် အကျုံးဝင် မှတ်ပုံ တင်ထားသည့် အလုပ်ဌာနတွင် လုပ်ကိုင်နေသော အလုပ်သမားများအား အလုပ်ရှင်/ HR တို့မှ အလုပ်သမား များ၏ ကိုယ်ရေးအချက်အလက်များအား ဖြည့်စွက်၍ လူမှုဖူလုံရေးအဖွဲ့တွင် အကျုံးဝင် မှတ်ပုံတင်ပေးရမည် ဖြစ်ပါသည်။ နောက်အပိုင်းမှာတော့ အကျိုးခံစားခွင့်အမျိုးအစားအလိုက် တွက်ချက်မှုများကို ဆက်လက်မျှဝေပေးသွား ပါဦးမယ်နော။ #အက္ခရာ #AHKHARA_SOLUTION #ssb #fyp - @ahkhara.solution