@aghazzada_: Bugünkü İslam, Türklərə borcludur! İslamı bəsit bir bədəvi dini olmaqdan çıxarıb, Avropada Vyanaya qədər aparan, onu 1000 il boyunca qoruyan, saraylarda fəlsəfəsini və memarlığını quran yeganə güc Türk Dövlətçilik Təfəkkürüdür. 16-cı əsrin əvvəllərində ərəb coğrafiyasında (Məmlük dövlətində) sünni xilafəti həm daxildən çürümüşdü, həm də Portuqaliya gəmiləri Qırmızı dənizə girərək Məkkə və Mədinəni işğal etmək, Məhəmməd peyğəmbərin qəbrini qaçırmaqla hədələyirdi. Ərəb dünyası aciz qalmışdı. Lakin 1516-1517-ci illərdə Yavuz Sultan Səlim Mərci-Dabık və Ridaniyə döyüşləri ilə ərəb coğrafiyasını fəth etdi, Portuqaliya donanmasını darmadağın etdi və xilafəti Türk dövlətinə gətirdi. Əgər Türk qılıncı olmasaydı, bu gün sünni dünyasının müqəddəs mərkəzləri olan Məkkə və Mədinə çoxdan Avropa müstəmləkəsinə çevrilmişdi. 1501-ci ilə qədər şiəlik İslam dünyasında sadəcə bəsit, gizli və dağınıq bir müxalif cərəyan idi. Heç bir rəsmi dövləti və ordusu yox idi. Türk oğlu Türk Şah İsmayıl Xətai cəmi 14 yaşında Təbrizə girərək Səfəvilər dövlətini qurdu və şiəliyi rəsmi dövlət dini elan etdi. O, Azərbaycan Qızılbaş türklərinin hərbi gücü ilə bu məzhəbi böyük bir sivilizasiya səviyyəsinə qaldırdı. Əgər Şah İsmayıl və onun Türk ordusu olmasaydı, bu gün şiəlik dünyada bir məzhəb kimi çoxdan yox olub getmişdi. İslamı 13-cü əsrdə yer üzündən tamamilə silinmək təhlükəsindən qurtaran da ərəblər yox, yenə türklər olub. 1258-ci ildə monqollar Bağdadı yandırıb Abbası xilafətinə son qoyanda, monqolların o qarşısıalınmaz ordusunu tarixdə ilk dəfə 1260-cı ildə Ayn Calut döyüşündə darmadağın edən və İslam dünyasını xilas edən güc — Misirdəki Türk hərbi elitası olan Məmlüklər (Sultan Qutuz və Baybars) idi. Bu gün bu torpaqlarda hansı məzhəbdə olursansa ol, ibadətinizi rahat edə bilirsinizsə, bunu ərəb şeyxlərinə yox, o bəyənmədiyiniz Türk xaqanlarının tökdüyü qanlara borclusunuz. Din fərdidir, amma kimlik millidir. #kəşfetazərbaycan #keşfet #yavuzsultanselim #islam #türk

Ayaz Ath

Open In TikTok:

Region: AZ

Tuesday 09 June 2026 12:08:28 GMT