@kasif_writes: آج پھر اُس بے وفا کا میسج آیا… وہی شخص جس کے ایک میسج کا کبھی انتظار رہتا تھا، آج اُس کا نام دیکھ کر دل خوش نہیں ہوا… بس ایک پرانا درد جاگ گیا۔ اُس نے کہا: کال پر بات کرو… میں نے کہا: ٹھیک ہے۔ مگر کال پر وہ پہلے والی بات نہیں تھی… نہ وہ ہنسی، نہ وہ اپنائیت، نہ وہ احساس۔ بس دو لوگ تھے جن کے درمیان کبھی پوری دنیا تھی، اور آج صرف خاموشی رہ گئی تھی۔ اُس نے پوچھا: کیسے ہو؟ میں نے کہا: ٹھیک ہوں… مگر حقیقت یہ تھی کہ میں اُس دن سے ٹھیک نہیں تھا جس دن اُس نے مجھے اکیلا چھوڑ دیا تھا۔ کچھ لوگ جسم سے نہیں جاتے، وہ یادوں میں رہ کر انسان کو روز تھوڑا تھوڑا توڑتے ہیں۔ پھر وہ بولی: اب تو آپ سے بات کرنے سے بھی ڈر لگتا ہے… کہیں آپ ہماری کہانی بنا کر ٹک ٹاک پر نہ ڈال دیں۔ میں نے ہنس کر کہا: ڈرو مت… تمہارا نام کبھی نہیں آئے گا۔ کیونکہ جس انسان کو کبھی اپنی جان سے زیادہ چاہا ہو، اُس کی عزت کو کیسے نقصان پہنچایا جا سکتا ہے؟ میں نے کہا: میں نے لوگوں کو بدلہ لیتے دیکھا ہے، مگر محبت کرنے والا انسان بدلہ نہیں لیتا… وہ بس خاموش ہو جاتا ہے۔ میری کہانی میں اگر کوئی ہے تو صرف ایک درد ہے، کوئی نام نہیں۔ اُس نے کہا: آپ کے پاس میری تصویریں اور ویڈیوز ہیں… میں نے کہا: ہاں ہیں، مگر وہ میرے لیے ثبوت نہیں، وہ ایک وقت کی یادیں ہیں۔ اور یادوں کو بازار میں نہیں بیچا جاتا۔ پھر میں نے کہا: کبھی کبھی میری ٹک ٹاک پر ویو کا نوٹیفکیشن آتا ہے تو دل ایک لمحے کے لیے رک جاتا ہے۔ میں سوچتا ہوں شاید تم ہو… شاید تم نے میری لکھی ہوئی وہ کہانی پڑھی ہو جس میں میں نے اپنا درد چھپا کر تمہیں یاد کیا ہے۔ لیکن جب نوٹیفکیشن کھولتا ہوں تو سینکڑوں لوگ ہوتے ہیں… اور میں سوچتا ہوں… اتنے لوگوں کے درمیان وہ ایک شخص کہاں چلا گیا جس کے لیے میں نے اپنی پوری دنیا چھوڑ دی تھی؟ پھر اُس نے پوچھا: اگر میں واپس آنا چاہوں تو کیا آ سکتی ہوں؟ یہ سوال سن کر دل نے کہا: ہاں… ابھی بھی انتظار ہے۔ مگر عقل نے کہا: نہیں… جس راستے سے درد آیا تھا، اُسی راستے سے خوشی واپس نہیں آتی۔ میں نے کہا: نہیں… اب واپس مت آنا۔ کیونکہ تمہیں کھونے کے بعد میں نے بڑی مشکل سے خود کو جوڑا ہے۔ اگر تم دوبارہ آ کر چلی گئیں تو شاید اس بار میرے اندر کچھ بھی باقی نہ رہے۔ میں نے کہا: میں مرنا نہیں چاہتا… میں بس اُس انسان کو دفن کرنا چاہتا ہوں جو تمہارے جانے کے بعد روز مرتا رہا۔ کچھ محبتیں پوری نہیں ہوتیں… وہ بس انسان کو ایک ایسی کہانی دے جاتی ہیں جسے وہ ساری عمر پڑھتا رہتا ہے۔ اور کچھ لوگ واپس بھی آ جائیں… تو دل انہیں دوبارہ جگہ دینے سے پہلے ہزار بار ڈرتا ہے۔"

Kasif

Open In TikTok:

Region: PK

Tuesday 09 June 2026 13:00:53 GMT