@dr.ahmedmowafy: لو الأصوات العالية بتزعجك وبتسببلك توتر بشكل مبالغ فيه ومابتستحملش أي ضوء شديد شوية والزحمة بتوترك وبتخليك تتشتت وتتعب وبتتخض دايما من اقل شئ ورد فعلك بيبقى مبالغ فيه فأنت كدا جسمك عايش في حالة طوارئ مستمرة طيب يعني ايه لما الشخص يكون بيعاني من اضطراب القلق العام جهازه العصبي مابيعرفش يفرق بين الخطر الحقيقي وبين ضغوط الحياة العادية أو الأفكار المقلقة والموضوع ده له أسباب كتيرة : 1_ أولهم بيكون استنفار الجهاز العصبي السمبساوي : _في حالة الجسم الطبيعية الجهاز العصبي بيشتغل كإنذار وقت الخطر وبيسكت لما الخطر يزول _في حالة القلق العام : الإنذار ده بيفضل شغال 24 ساعة مابيفصلش وده بيخلي حواسك طول الوقت في حالة( تأهب قصوى) فبيتعامل مع أى صوت أو أى ضوء على انه تهديد فجسمك يرد رد فعل عنيف زي "الخضة" عشان يحميك من خطر مش موجود أصلا 2-سبب تاني مهم جدًا له عامل رئيسي في الي بيحصل وهو : هرمونات التوتر "الكورتيزول و الأدرينالين " جسمك بيفضل يفرز كورتيزول وأدرينالين بجرعات صغيرة بس مستمرة فالهرمونات دي تخلي دماغك في حالة "تركيز مفرط" Hyper-vigilance وده بيخليكي فريسة سهلة لأي مؤثر خارجي فصوت خبطة الباب البسيطة بتبقى بالنسبة لدماغك كأنها انفجار في أسباب تانية كتير للي بيحصلك ده اكتبلنا في الكومنتات كلمة قلق لو عايز تعرف باقى الأسباب 📩 وقولنا بتتحسس وتتخض من ايه بيخلي الناس تستغرب 🤷‍♂️⁉️

Dr.Ahmed mowafy

Open In TikTok:

Region: EG

Tuesday 16 June 2026 14:35:00 GMT