@abdiwaahidmfarah: Dunida kubadda cagta ayaa saacadihii u dambeeyey si weyn u hadal haysay go'aanka dowladda Mareykanka ay dalkeda uga celisay garsooraha Soomaaliyeed ee Cumar Cabdulkaadir Cartan, kaas oo loo xushay inuu ka mid noqdo garsoorayaasha Koobka Adduunka ee FIFA 2026. Sida ay baahiyeen Al Jazeera, BBC, Reuters iyo warbaahinno kale oo waaweyn, Cumar Cartan ayaa gaaray garoonka Miami isagoo sita fiise sax ah, hase yeeshee saraakiisha socdaalka Mareykanka (DHS) ayaa ku wargeliyey inuusan dalka geli karin, iyagoo u sababeeyey wax ay ku tilmaameen "arrimo baaritaan iyo hubin amni." Waxaase la Huba inay Tahay go'aan kutalgal ah oo La xiriira Nacaybka ay Somalida u qabaan Maamulka Trump. Cumar Cartan ma ahayn qof oo safar Caadi ah ku yimid Mareykanka. Wuxuu ahaa garsoore ay FIFA si rasmi ah ugu dartay liiska 52-da garsoore ee koobka adduunka waxa uu sidoo kale watay kaarka caalimaga ah ee loo yaqaan (FIFA Accreditation Card) balse Nasiib darro wala celiyay. Cumar Cartan Sannadkii 2025 wuxuu noqday garsoorihii ugu fiicnaa qaaradda Afrika, waana shaqsi ay malaayiin Soomaali ah u arkayaan Qof ay ku muujin Kara Hibada celceliska Qofka Somaliyeed. Go'aanka lagu diiday inuu dalka galo wuxuu sababay falcelin ballaaran. Mas'uuliyiin uu ku jiro RW hore Hassan ali kheire iyo taageerayaal badan oo kubadda cagta ah ayaa ku tilmaamay dhacdada mid dhaawaceysa ruuxda ciyaaraha iyo sinnaanta caalamiga ah. FIFA iyo Gianni infantino oo ah Madaxa FIFA-na waxa beenobay Ballanqaadkodi aha in Qof walba ay u fududeyn doonan dal-kugalka mareykanka. Hase ahaate, marka laga gudbo murugada dhacdadan, waxaa jira xaqiiqo aan la dafiri karin. Mareykanku wuxuu xannibi karaa qof inuu xuduudihiisa soo galo, laakiin ma xannibi karo Bulsho Horumar Rabta.Dowladda iyo shacabka somaliyeed maxa la Gudboon, Ma baraarug mise cabasho? Cumar Cartan maanta wuxuu noqday magac ay dunidu wada taqaan. Wiil ka soo baxay Soomaaliya oo ku soo shaqeeyey xaalado adag, mararka qaarna xitaa la tacaalayey duruufaha amni ee dalkiisa, ayaa gaaray heer uu FIFA u aqoonsato mid ka mid ah garsoorayaasha ugu wanaagsan dunida. Farriinta ugu weyn ee dhacdadani u siddo Soomaalida Waa bararug ee ma ahan Cabasho. Bulshooyinku kuma hormaraan inay dunida ku eedeeyaan dhibaatooyinkooda. Waxay ku hormaraan inay dhisaan nidaamyo waxbarasho, sharci iyo hay'ado soo saara kumannaan qof oo la mid ah Cumar Cartan. Haddii maanta Cumar Cartan oo kelihiis ah uu gaaray heerkan, berri waxaa suuragal ah in ay So baxaan boqollal soomali asago kale ah Dhallinyarada Soomaaliyeed wa in ay u arkan dhacdadan mid bararug ah. Waxaa jira marar badan oo albaab lagaa xirto, laakiin albaabkaas laga xirtay wa in uu Dadka tusa qofnimadada iyo qiimahaga dhabta ah. Dad badan ayaa maanta is waydiinaya maxay uga jawaabi doonta dowladda somaliya dhacdadan la yaabka leh. Ma u qareemi doonta muwaadinkeda mise wa ka aamusi doonta? wakhgiga aya ino sheegaya. Qaran kasta waxaa jira maalmo xanuun badan, laakiin waxaa ka sii muhiimsan sida uu uga jawaabo xanuunkaas. Haddii jawaabteennu noqoto Cabasho, waxba isma beddeli doonaan. Hadise jawaabteennu noqoto baraarug, dadaal, aqoon, karti iyo isku duubni, maalin ayaa iman doonta Soomali Marti loo noqonayo inshallah Cumar Cartan maanta wuxuu seegay Koobka Adduunka, laakiin waa tijaabo ay marayan madaxda iyo bulshada somaliyeed qaabka ay uga falceliyaan. Taariikhdu mar walba ma xusto kuwa Cabashada badan ee waxay Xusta kuwa Ficilka iyo Ku dhaca Leh. Soomaliyey Ficil Baala Raba🇸🇴. @Omar Artan 🇸🇴 Garabkaaga Nahay, Guuleyso Walaal.

ABDIWAAHID

Open In TikTok:

Region: SO

Tuesday 09 June 2026 14:31:00 GMT