@ejazkareembalochdreshak: #اور_اللہ_تعالیٰ_جسے_چاہے_عزت_دے #الحمدللہ! #آج ضلع راجن پور کی ممتاز سیاسی و سماجی اور ہردلعزیز شخصیت فخر راجن پور #بیرسٹر_سردار_علی_رضا_خان_دریشک کی سربراہی میں انڈس گیسٹ ہاؤس راجن پور میں ضلع رحیم یار خان کی چانڈیہ اور اندھڑ برادریوں کے درمیان دیرینہ تنازعات اور متعددقتلوں کی صلح کے سلسلے میں ایک اہم جرگہ و اکٹھ منعقد ہوا، جو کامیابی سے ہمکنار ہوا۔ اکٹھ میں فریقین کے باہمی اتفاق سے یکم جولائی 2026 کو باقاعدہ صلح کی تاریخ مقرر کی گئی۔ یہ پیش رفت نہ صرف دونوں برادریوں بلکہ پورے علاقے کے امن، استحکام اور بھائی چارے کے لیے ایک خوش آئند قدم ہے۔ اسلام ہمیں نفرتوں کے خاتمے، دلوں کو جوڑنے اور اصلاحِ ذات البین کا درس دیتا ہے۔ اللہ تعالیٰ قرآن مجید میں فرماتے ہیں: "وَالصُّلْحُ خَيْرٌ"(اور صلح بہترین چیز ہے) ہم سردار علی رضا خان دریشک کو اس عظیم اور نیک کاوش پر خراجِ تحسین پیش کرتے ہیں، جنہوں نے اپنے اثر و رسوخ اور دانشمندی کو انسانیت، امن اور بھائی چارے کے فروغ کے لیے استعمال کیا۔ ایسے اقدامات معاشرے میں محبت، رواداری اور باہمی احترام کو فروغ دیتے ہیں۔ اللہ تعالیٰ اس کوشش کو مکمل کامیابی عطا فرمائے، فریقین کے دلوں میں محبت پیدا فرمائے اور اس صلح کو آنے والی نسلوں کے لیے امن و آشتی کی بنیاد بنائے۔ آمین۔