"ဒီကျောင်းတိုက်မှာ သံဃာအသစ်တွေကြွလာရင် မအပ်စပ်တဲ့ပစ္စည်းများ ပါ/မပါ စစ်ဆေးရတယ်။ များသောအားဖြင့် စာသင်သား ရဟန်းသာမဏေများက ချို့တဲ့တော့ ကိုယ်တိုင်ဝတ္ထုငွေနဲ့ ဝယ်ကြတာများတယ်။ ဒါကြောင့် သံဃာလက်ခံတဲ့အခါ မအပ်စပ်တာ ဘာမှယူ မလာရ၊ လိုအပ်တာကို ကျောင်းကပဲ လှူပေးပါမယ်ဘုရား လို့ လျှောက်ထားရတယ်။ သံဃာအသစ်တွေ လိုအပ်တဲ့ သပိတ်သက်န်း၊ရေချိုးခွက် ဆပ်ပြာ အစရှိတဲ့အသုံးအဆောင်ပစ္စည်းတွေ လှူပေးနိုင် တယ်ဆိုတာ ပေါလွန်းလို့တော့ မဟုတ်ဘူး။ တပည့်တော်တို့ ဆရာတပည့်တွေ ဝါဆိုတဲ့အခါတို့ ကထိန် အခါတို့မှာ ရတဲ့သက်န်း စတဲ့ပစ္စည်းတွေ ကိုယ့်မှာပိုလျှံနေရင် သံဃိကဘဏ္ဍာတိုက်မှာ လှူဒါန်းထားကြတယ်။ ဒီတော့ သံဃာအသစ်တွေကြွလာရင် သံဃိကဘဏ္ဍာတိုက် ကနေ ထုတ်လှူပေးနိုင်တာပေါ့။ အကယ်၍ တပည့်တော်တို့က ရသမျှ "ငါ့ဖို့၊ငါ့ဖို့" လုပ်နေရင် ဘဏ္ဍာတိုက်မှာ သံဃာအသစ်တွေအတွက် ပေးစရာ ဘာမှ ရှိမှာမဟုတ်ဘူး။ တပည့်တော်တို့ ဆရာတပည့်တွေ ရှိတာနဲ့မျှတအောင် နေကြတဲ့၊ ရောင်ရဲကြတဲ့အတွက် သံဃာအသစ်တွေကိုလည်း လှူနိုင်တယ်၊ အာဂန္တုသံဃာ တွေကိုလည်းလှူနိုင်တယ်။ ပတ်ဝန်းကျင်က ကျောင်းတိုက်များကိုလည်း လှူပေးနိုင်တယ်။ ဒါကြောင့် တပည့်တော်တို့ ဝိနည်းတွေကိုလေးစားလိုက်နာ ရုံတင်မက၊ ရောင်ရဲတတ်ကြဖို့လည်း လိုတယ်။ အရှင်အဘယာလင်္ကာရ (မဟာဝိဟာရဝါသီ) #ဆုံးမသြဝါဒ #KSCF #မဟာဝိဟာရ_လှည်းကူး #KoShineCharity #foryoupage - @ko.shine.charity