@user6182282405508: Caption: Honda Today 50cc (ကြွက်ဘီလူး) EFI သော့ဖွင့်လို့ မီးလုံးဝမလာရင် ဘယ်ကနေ အဆင့်လိုက် ရှာရမလဲဆိုတာ သိချင်သူများအတွက် မီးလိုင်းအလုပ်လုပ်ပုံ ပညာပေး ဗီဒီယိုလေးပါ။ ဆိုင်ကယ်ဝါသနာရှင်များနှင့် ဆရာတပည့်များအတွက် အသုံးဝင်စေဖို့ မျှဝေပေးလိုက်ပါတယ်။ "ကဲ... မင်္ဂလာပါ ညီအစ်ကိုတို့ရေ။ ဒီနေ့တော့ Honda Today 50cc (ကြွက်ဘီလူး) EFI ဆိုင်ကယ်တွေမှာ အဖြစ်များပြီး ဆိုင်ကယ်ပြင်သမားတွေ ခေါင်းကိုက်ရတဲ့ 'သော့ဖွင့်ရင် မီးလုံးဝမလာတဲ့ ရောဂါ' အကြောင်းနဲ့ အဲဒါကို ဘယ်လို စနစ်တကျ အဆင့်လိုက် ရှာရမလဲဆိုတာ ပညာပေးအနေနဲ့ မျှဝေပေးသွားပါမယ်။" အများစုက သော့ဖွင့်လို့ မီးမလာရင် ဖျူးစ် (Fuse) ပြတ်တယ်အောက်မေ့ပြီး ဖျူးစ်ပဲ စစ်ကြတယ်။ ဒါပေမဲ့ ဖျူးစ်လည်းကောင်းတယ်၊ သော့ခလုတ်မှာရှိတဲ့ နီ/စိမ်း၊ နီ/ပြာ၊ ပန်းရောင် ကြိုး ၃ ကြိုးလုံးကို စစ်တော့လည်း မီးက လုံးဝလိုက်မလာဘူး။ အဲဒီလိုဆိုရင် ဘယ်ကနေ စရှာမလဲ?" ညီအစ်ကိုတို့ သိထားရမှာက ဒီ EFI စနစ်မှာ ဘက်ထရီကလာတဲ့ ပင်မမီးလိုင်းဟာ သော့ခလုတ်ဆီ တိုက်ရိုက်မသွားပါဘူး။ သူက အနောက်မြီးနားမှာရှိတဲ့ ECU (ကွန်ပျူတာဘောက်စ်) ထဲကို အရင်ဝင်သွားတာပါ။ အဆင့် (၁): ဘက်ထရီအပေါင်းလိုင်းကနေ ဖျူးစ်ကို ဖြတ်ပြီး အနီကြိုး အနေနဲ့ ECU ဘူးထဲကို အရင်ဆုံး မီးဝင်သွားပါတယ်။ အဆင့် (၂): အဲဒီ ECU ဘူးထဲကနေမှတစ်ဆင့် နီ/ပြာကြိုး အဖြစ် ပြောင်းလဲပြီး ရှေ့က သော့ခလုတ်ဆီကို မီးပြန်ထွက်လာတာ ဖြစ်ပါတယ်။" "အခု ဒီဆိုင်ကယ်မှာ ဖြစ်တာကတော့... ECU ကနေ ထွက်လာတဲ့ နီ/ပြာကြိုး ဟာ ဆိုင်ကယ်ရဲ့ ခါးလယ်က Socket (ဆော့ကက်) ဆီအထိတော့ မီးရောက်တယ်။ ဒါပေမဲ့ အဲဒီဆော့ကက် ဂျီးတက်ပြီး မသန့်ရှင်းလို့ ရှေ့က သော့ခလုတ်ဆီကို မီးကူးမပေးနိုင်တော့တာပါ။ ဒါကြောင့် ဆော့ကက်ကို ဖြုတ်၊ ဆေးကြောပြီး သေချာပြန်တပ်လိုက်တဲ့အခါမှာတော့ သော့ခလုတ်ဆီကို မီးပြန်ရောက်သွားပါတယ်။" "သော့ခလုတ်ဆီ မီးရောက်သွားပြီး သော့ကို 'ON' လိုက်တဲ့အခါမှာတော့ အဲဒီ နီ/ပြာကြိုး ထဲက မီးဟာ နီ/စိမ်းကြိုး အဖြစ် ပြောင်းလဲပြီးတော့ ECU ဘူးထဲကို 'သော့ပွင့်သွားပြီ' ဆိုတဲ့ အချက်ပြစနစ်အနေနဲ့ ပြန်ဝင်သွားပါတယ်။ အဲဒီလို ဝင်သွားတော့မှ ကွန်ပျူတာဘောက်စ်က နိုးထလာပြီး ဆိုင်ကယ်တစ်စီးလုံးကို မီးတွေ အကုန်ပေးလိုက်တာ ဖြစ်ပါတယ်ဗျာ။" "ဒါကြောင့် နောက်နောင် 50cc ကြွက်ဘီလူးတွေ သော့ဖွင့်လို့ မီးမလာရင် ဖျူးစ်တင်မကဘဲ 'ခါးလယ်က နီ/ပြာကြိုး ဆော့ကက်' ကိုပါ မမေ့တမ်း စစ်ဆေးဖို့ မျှဝေပေးလိုက်ပါတယ်ခင်ဗျာ။ ဗီဒီယိုလေးကို သဘောကျရင် Like နဲ့ Share လေး လုပ်ပေးသွားဦးနော်။"

သားငယ်

Open In TikTok:

Region: MM

Tuesday 09 June 2026 17:47:28 GMT