२०५८-०२-२० , बिहानै ४:०० बजे नै उठेर बजारमा भैसीको दुध बेचेर ७:०० बजेतिर तल गाऊतिर फर्किदैगरेका मानिसहरुले साइकल चलाउदै हरेक चौक , हरेक घर घरमा हल्ला गर्दैथिए कि काठमाण्डौमा राजपरिवारको हत्या भयो भनेर । त्यवेला तारफोन १-२ ठाउमा थिए माथी बजारतिर , मोवाइल फोन त छदै थिएन । विहानैदेखी धार्मिक कार्यक्रम प्रस्तुत हुने रेडियो नेपालमा भजनहरु , धार्मिक प्रवचनहरु मात्रै बजेका थिए । सदा झै ७:०० बजे विहानै समाचार आउनुपर्ने आएको थिएन । सवैजनामा मनमा चिसो र शंका छाएको थियो । हलो जोत्दै गरेका गाउलेहरु सबैले गोरु फुकाए , गोरु नार्नै लागेकाहरुले नारेनन् । सन्नाटा छाएको थियो -के भयो नि भनेर ? केही महिलाहरु विलौना गर्दै रुन थालिसकेका थिए । लोग्नेमानिसहरुको पनि हातखुट्टा लुला , ओठ सुख्खा प्राय देखिन्थे । हजुरबाले विहानको नित्यकर्म पूजापाठ सकेपछि,बेलुका फुकालेर राखेका ३ वटा टाईगर ब्याट्री लगाएर सधैं रेडियो नेपालको समाचार सुन्ने गर्नुहुन्थ्यो। तर, त्यसदिन समाचार आएको थिएन । (त्यसवेला FM च्यानल थिएनन् । झापा बुटाबारीका महॅाजन दिपककुमार गिरीले आफ्नो पुरोहित पुजेको ब्राह्मण भएको हुनाले हजुरबालाई त्यसवेला एउटा जापानिज रेडियो दिएका थिए रे जस्मा AM च्यानलहरु मात्रै बज्थे । हाम्रो घरमा त्यो संचारको साधन चै थियो त्यवेला पनि । TV चै थिएन । मिटर घुमाउदै जॅादा त्यस रेडियोमा , भारतको दुरदर्शन रेडियो , चीनको CRI -चाइना रेडियो ईन्टरनेशनल को नेपाली सेवा जस्ता प्रसारण हरु सुन्न सकिन्थ्यो । ) अनि , च्यानल घुमाउदै जॅादा दुरदर्शन रेडियो टिप्यो । जस्मा समाचार आइरहेको थियो- नेपालमा राजशाहीको कत्ल भयो , राजा श्री ५ बिरेन्द्र, रानी ऐस्वर्या , युवराज दिपेन्द्र लगायत सवैको मृत्यु भयो भनेर । अनि गाऊभरी शोक छायो । सवैजना रुन थाले । जव रेडियो नेपालमा एउटा शोकधुन बज्न थाल्यो , शोकाकुल नहुने प्राय कोही थिएनन् । पछि फेरी नाटकिय रुपमा समाचारहरु यसरी परिवर्तन भए कि , दिपेन्द्र जिउदै , दिपेन्द्रलाई राजा घोषणा , दिपेन्द्र पनि जिवित रहेनन् ..के-के हो के-के ? हो यहि छ रहस्य , षडयन्त्र सबैचिज जुन आजसम्म पनि रहस्यमय ईतिहास नै छ । त्यसवेला एक वाल मस्तिस्कले यी सबै परिदृश्यहरु नियालेर सोच्दा किन हो कुन्नि दिपेन्द्रले राजपरिवार को हत्या गरेको भन्ने पटक्कै पत्याएन र कहिल्यै पनि पत्याउने छैन । पूर्व प्रम के पी ओली ले अरु जे-जती कुरा गरेपनि , जतीनै हावादारी गफ दिएपनि , यो कुरा चाहिॅ मलाइ त्यसवेला मनमनै सोचमा आएको कुरासंग साह्रै मिल्दो-जुल्दो कुरा रहेछ । शेयर नगरी मन मानेन ।#kingbirendra @Balen Shah @Tikaram Yatri #sudangurung #durbarhatyakanda - @benu2643