@eiglish0: ကျောက်ကပ်ကို ဘယ်လို ဂရုစိုက်ကြမလဲ..? 🩺💧❌ ကျောက်ကပ်ဆိုတာ ခန္ဓာကိုယ်မှာ အသက်ရှင်သန်ဖို့အတွက် မရှိမဖြစ် အရေးကြီးဆုံးသော အစိတ်အပိုင်းတွေထဲက တစ်ခုဖြစ်ပါတယ်။ ကျောက်ကပ် ရုတ်တရက် ချို့ယွင်းပျက်စီးသွားပါက ရက်ပိုင်းလေးအတွင်းမှာတင် အသက်အန္တရာယ်ကို ပြင်းထန်စွာ စိုးရိမ်ရတဲ့အထိ ဒုက္ခပေးနိုင်ပါတယ်။ ကျောက်ကပ်ဟာ ခန္ဓာကိုယ်ထဲမှာ ဆေးပညာအရ ဘယ်လိုအရေးကြီးတဲ့ လုပ်ငန်းဆောင်တာတွေကို လုပ်ဆောင်ပေးနေလဲ၊ ကျောက်ကပ် မပျက်စီးအောင် ဘယ်လိုကာကွယ်ရမလဲဆိုတာကို သိဖို့ ဆက်ဖတ်ကြည့်ကြရအောင်။ ကျောက်ကပ်က ခန္ဓာကိုယ်မှာ ဘာတွေလုပ်ဆောင်ပေးသလဲ 🔬 နှလုံးကနေ ညှစ်ထုတ်ပေးလိုက်တဲ့ သွေးတွေဟာ သွေးလွှတ်ကြောမှတစ်ဆင့် ကျောက်ကပ်သို့ ရောက်ရှိလာပါတယ်။ ရောက်ရှိလာတဲ့ သွေးတွေထဲမှာ ပါဝင်နေတဲ့ အညစ်အကြေးတွေကို ကျောက်ကပ်အတွင်းရှိ ဇကာစနစ်လေးတွေက နေ့ညမပြတ် စစ်ထုတ်ပေးပါတယ်။ - အညစ်အကြေး စွန့်ထုတ်ခြင်း: စစ်ထုတ်ရာမှ ထွက်လာသော အညစ်အကြေးများကို ခန္ဓာကိုယ်ပြင်ပသို့ ဆီးသွားခြင်းဖြင့် စွန့်ထုတ်ပေးပြီး၊ သန့်စင်သွားသော သွေးများကို နှလုံးဆီသို့ သွေးပြန်ကြောမှတစ်ဆင့် ပြန်လည်ပို့ဆောင်ပေးပါတယ်။ ✅ - ဓာတ်ဆားနှင့် ဟော်မုန်း ထိန်းညှိခြင်း: ခန္ဓာကိုယ်အတွင်းရှိ ရေဓာတ်၊ ဆားဓာတ်နှင့် အခြားဓာတုဓာတ်များကို မျှတအောင် ထိန်းညှိပေးတဲ့အပြင် သွေးပေါင်ချိန်ကို ထိန်းညှိပေးခြင်း၊ သွေးနီဥ (Red Blood Cells) ထုတ်လုပ်မှုကို လှုံ့ဆော်ပေးခြင်းနှင့် အရိုးများသန်စွမ်းဖို့ လိုအပ်တဲ့ ကယ်လ်ဆီယမ် (Calcium) ဓာတ်ကို အူလမ်းကြောင်းကနေ စုပ်ယူနိုင်အောင် ကူညီပေးတဲ့ အရေးကြီးဟော်မုန်းတွေကို ထုတ်လုပ်ပေးပါတယ်။ ကျောက်ကပ် ပျက်စီးသွားတဲ့အခါ အဆိုပါလုပ်ငန်းတွေကို ကောင်းစွာ မလုပ်ဆောင်နိုင်တော့လို့ တစ်ကိုယ်လုံးမှာ အဆိပ်အတောက်တွေ စုပုံပြီး ပြင်းထန်တဲ့ နောက်ဆက်တွဲ ကျန်းမာရေးဆိုးကျိုးတွေ ခံစားရတာ ဖြစ်ပါတယ်။ 📉 ကျောက်ကပ်ရောဂါ မဖြစ်အောင် ဘယ်လို ဂရုစိုက်နေထိုင်မလဲ 💡 ၁။ အရက်နှင့် ဆေးလိပ်ကို ရှောင်ကြဉ်ပါ 🚫 အရက်အလွန်အကျွံသောက်ခြင်းဟာ နှလုံးရောဂါနှင့် သွေးတိုးရောဂါကို ဖြစ်စေပြီး ကျောက်ကပ်ဆီသွားတဲ့ သွေးကြောတွေကို ပျက်စီးစေပါတယ်။ ဆေးလိပ်သောက်သူများသည်လည်း (သုတေသနဖော်ပြချက်အချို့အရ) ပုံမှန်လူထက် ၃ ဆခန့် ပိုမို၍ ကျောက်ကပ်အားနည်း ပျက်စီးစေနိုင်ရုံတင်မကဘဲ နှလုံးဖောက်ခြင်းနှင့် လေဖြတ်ခြင်း (Stroke) အန္တရာယ်ကိုပါ မြင့်မားစေပါတယ်။ ❌🚬 ၂။ အာဟာရမျှတစွာ စားသုံးပြီး ဝိတ်ထိန်းပါ 🍏 အဆီအဆိမ့်၊ အချို၊ အငန် (ဆိုဒီယမ်) များသော အစားအစာများ၊ အသင့်စား အစားအစာ (Ready-made Food) နှင့် Junk Food များကို အလွန်အကျွံစားသုံးခြင်းကို ရှောင်ကြဉ်ပါ။ ၎င်းအစား သဘာဝလတ်ဆတ်သော ဟင်းသီးဟင်းရွက်များနှင့် သစ်သီးဝလံများကို တိုးမြှင့်စားသုံးပေးပြီး ကျန်းမာသောနည်းလမ်းဖြင့် ခန္ဓာကိုယ်အလေးချိန်ကို ထိန်းသိမ်းပါ။ ၃။ ကိုယ်လက်လှုပ်ရှားမှု ပြုလုပ်ပြီး ရေလုံလောက်စွာသောက်ပါ 🏋️‍♂️ နေ့စဉ်ပုံမှန် ကိုယ်လက်လှုပ်ရှား လေ့ကျင့်ခန်းလုပ်ခြင်းဟာ သွေးလည်ပတ်မှုစနစ်ကို ကောင်းမွန်စေပြီး နှလုံးရောဂါ၊ ဆီးချိုနှင့် ကျောက်ကပ်ရောဂါ ဖြစ်ပွားနိုင်ခြေကို လျော့နည်းစေပါတယ်။ ဒါ့အပြင် ကျောက်ကပ်က အဆိပ်အတောက်တွေကို ကောင်းစွာစစ်ထုတ်နိုင်ဖို့ ရေကို လုံလောက်စွာ သောက်ပေးရပါမယ်။ သကြားဓာတ်လွန်ကဲတဲ့ အချိုရည်များ အလွန်အကျွံသောက်ခြင်းကိုမူ အထူးရှောင်ကြဉ်ရပါမယ်။ ⏱️ ၄။ အကိုက်အခဲပျောက်ဆေးများကို သတိပြုပါ ⚠️ အကိုက်အခဲပျောက်ဆေးအပြင်းစားများ (ဥပမာ - NSAIDs အုပ်စုဝင်ဆေးများ) ကို ဆရာဝန်ညွှန်ကြားချက်မပါဘဲ သဘောအလျောက် ရေရှည်စွဲသောက်ခြင်းဟာ ကျောက်ကပ်ကို တိုက်ရိုက်အဆိပ်သင့် ပျက်စီးစေတဲ့ အဓိကအကြောင်းရင်း ၁ခု ဖြစ်ပါတယ်။ ဘယ်လိုလူတွေမှာ ကျောက်ကပ်ရောဂါ ဖြစ်နိုင်ခြေ ပိုများသလဲ 📊 အောက်ပါအချက်များ ရှိနေသူများသည် သာမန်လူများထက် ကျောက်ကပ်ရောဂါ ဖြစ်နိုင်ခြေ အဆမတန် ပိုမိုမြင့်မားတတ်ကြပါတယ် - အသက်ကြီးရင့်သူများ၊ အဝလွန်သူများ၊ ကျောက်ကပ်ရောဂါ မျိုးရိုးရှိသူများ။ - အရက်၊ ဆေးလိပ် သောက်သူများ နှင့် အကိုက်အခဲပျောက်ဆေးများကို မလိုအပ်ဘဲ အလွန်အကျွံ မှီဝဲသုံးစွဲသူများ။ - သွေးတိုး၊ ဆီးချို၊ နှလုံးရောဂါနှင့် လေဖြတ်ဖူးသည့် အခံရောဂါရှိသူများ။ နောက်ထပ် အရေးကြီးတာကတော့ သွေးတိုးရောဂါနဲ့ ဆီးချိုရောဂါအခံ ရှိသူတွေအနေနဲ့ မိမိသဘောအလျောက် သွေးတိုးတက်လာတဲ့အခါမှ ဆေးသောက်တာမျိုး၊ ဒါမှမဟုတ် အစားများများစားမိတဲ့ ရက်မှ ဆီးချိုဆေးသောက်တာမျိုးကို လုံးဝ (လုံးဝ) မလုပ်သင့်ပါဘူး။ သွေးကျဆေးနဲ့ ဆီးချိုကျဆေးတွေကို ဆရာဝန်ညွှန်ကြားချက်အတိုင်း ပုံမှန်မပျက်မကွက် သောက်သုံးမှသာ သွေးတွင်းသကြားဓာတ်နဲ့ သွေးပေါင်ချိန်ကို ငြိမ်အောင်ထိန်းနိုင်ပြီး ကျောက်ကပ်ပျက်စီးခြင်းကနေ ကာကွယ်နိုင်မှာ ဖြစ်ပါတယ်။ ဒါ့အပြင် မိမိရဲ့ သွေးပေါင်ချိန်နဲ့ ဆီးချိုကိုလည်း အိမ်မှာ ပုံမှန်တိုင်းတာမှတ်သားပြီး ဆရာဝန်နဲ့ ပုံမှန်ပြသကုသမှု ခံယူရပါမယ်။ Credit #ti̇ktok #ti̇ktok #လူတစ်ယောက်ပြောင်းလဲခြင်းမပြောင်းလဲခြင်းဆိုတာ #ဆယ်စုနှစ်တစ်ခုကြာလာရင်သိသာတာပေါ့

ပညာဗီဇ

Open In TikTok:

Region: MM

Wednesday 10 June 2026 05:00:23 GMT