@juzmedia: Астанада полиция кәмелетке толмаған балаға қатысты күдікті әрекет жасаған ер адамды ұстады. Оқиға 5 маусымда қаланың Алматы ауданында, №13 орта мектеп маңында болған. ⠀ Әлеуметтік желілерде тараған ақпаратқа сәйкес, белгісіз ер адам шамамен 9-11 жастағы баланы күштеп ұстап алып, ескі дөңгелектер жатқан қараусыз аулаға қарай сүйреп әкетпек болған. Алайда оқиғаны байқап қалған тұрғындар дер кезінде араласып, баланы күдіктінің қолынан арашалап қалған және полиция шақырған. ⠀ Оқиға орнына жедел жеткен патрульдік полиция қызметкерлері күдіктіні ұстап, бөлімшеге жеткізді. Астана қалалық полиция департаментінің мәліметінше, аталған дерек бойынша 56 жастағы ер адам қолға алынған. ⠀ Сонымен қатар полиция баланың заңды өкілі құқық қорғау органдарына ресми арыз жазудан бас тартқанын мәлімдеді. ⠀ Соған қарамастан, оқиға бойынша тексеру жалғасып жатыр. Құқық қорғау органдарының хабарлауынша, тексеру нәтижесінде ер адамның әрекетіне заң аясында құқықтық баға беріледі. ⠀ Қазіргі кезде оқиғаның барлық мән-жайы мен күдіктінің әрекет ету себептері анықталып жатыр.

Juzmedia

Open In TikTok:

Region: KZ

Wednesday 10 June 2026 06:18:45 GMT