@surely.adl: I drove a Skyline GT-R 🔥 Check out the full video on YT, link in bio❤️ #surely #adelaide #nissan #skyline #gtr

Surely
Surely
Open In TikTok:
Region: AU
Wednesday 10 June 2026 07:16:04 GMT
2978
148
1
2

Music

Download

Comments

jonathonnoto
jonathonnoto :
Goes good
2026-06-16 12:30:24
0
To see more videos from user @surely.adl, please go to the Tikwm homepage.

Other Videos

لما مسك الرئيس مبارك الحكم، البابا شنودة اتصل بيه من الدير عشان يهنيه، لكن قالوله:
لما مسك الرئيس مبارك الحكم، البابا شنودة اتصل بيه من الدير عشان يهنيه، لكن قالوله: "الريس هيرد عليك بعد شوية". والبابا فضل مستني الاتصال. بس محصلش! ووقتها كان معزول بقرار من الرئيس السادات، ومحطوط تحت الإقامة الجبرية في دير وادي النطرون. والكل توقع إن مبارك هيفرج عنه، زي ما عمل مع معظم المحبوسين في "اعتقالات سبتمبر"؟ لكن فضل سايبه في الدير 4 سنين! ولما سألوه ليه.. قال: "سيبوه شوية.. أنا مش عاوز مشاكل مع الجماعات". وكان يقصد الجماعات الإسلامية! ورغم كدا، وفي أول سفرية لمبارك لأمريكا البابا شنودة بعت خطاب للأقباط، اللي كانوا ناويين يعملوا مسيرة هناك. وقالهم: "بلاش مظاهرات. ورحبوا بالرئيس الجديد". وحصل فعلًا. والأقباط عملوا وقفة ترحيب بـ مبارك. وبعد شوية رجع البابا لمنصبه.. وتحديدًا سنة 84. بس فضلت العلاقة بينه وبين الرئيس مبارك متوترة لدرجة إنهم متكلموش في التليفون! ومبارك كان عامل 2 وسطاء بينه وبين البابا؛ الأول سكرتيره الدكتور مصطفى الفقي. والتاني الدكتور رفعت السعيد رئيس حزب التجمع. والاتنين كانوا أصدقاء للبابا. وفي أول تعيينات لمجلس الشورى، الرئيس مبارك بعت مصطفى الفقي للبابا عشان يسأله: "عاوز مين ضمن كوتة الأقباط". فالبابا سأله: معاك ورقة يا دكتور؟ مصطفى الفقي رد: أيوا. البابا قاله: اكتب عندك.. فرج على فودة! مصطفى الفقي استغرب وقاله: د مسلم يا سيدنا. البابا شنودة رد: ميهمنيش مسلم ولا مسيحي.. أنا يهمني اللي يدافع عن الوحدة الوطنية. وملى الفقى 4 أسماء كلهم مسلمين. وقاله: "مين قال إني عاوز أقباط ينضموا للبرلمان؟.. كل اللي عاوزه ناس يعرفوا هموم الشعب ويدافعوا عن الوحدة الوطنية". بس الوضع الطائفي كان بيسوء أكتر، ومبارك وصله تقرير إن فيه حالة احتقان بين الأقباط. وأمر زكريا عزمي رئيس الديوان يتصرف. وزكريا اتصل بالدكتور رفعت السعيد وطلب منه يجيله مكتبه في قصر عابدين. ولما وصل قاله: "البابا زعلان. والريس عاوز يعرف إيه أهم طلباته وتحاول معاه وتراضيه.. بس متقولوش إن الريس باعتك.. هاتها من عندك". وراح رفعت السعيد للبابا، وكانت أهم شكوى بخصوص بناء الكنايس. والبابا قاله: "أنا مثلا طلبت كنيستين في الواحات، وقالولي الريس وافق، وفات سنتين ومحصلش حاجة. وإنت عارف المسيحي لما يتولد بيتعمد في الكنيسة، ولما يتجوز بيتجوز في الكنيسة، ولما يموت بيصلوا عليه في الكنيسة، فتصور واحد يشيلوه على حمار وهو ميت.. من مركز لمركز تاني على بعد 200 كيلو.. عشان يصلوا عليه"! رفعت السعيد سأله: في "طلبات تانية يا سيدنا؟.. عاوز محافظ قبطي مثلا؟". البابا قاله: "إذا كان مسموحلنا بمحافظ ماشي.. في دكتور كويس اسمه أكلمنديس ينفع محافظ أوي". وفي نهاية اللقاء البابا قاله وهو بيضحك: "زي ما قالولك متقوليش إن هما اللي بعتوك.. قولهم إني مطلبتش حاجة". ورجع رفعت السعيد لزكريا عزمي وقاله على طلبات البابا. وعلى طول صدرت التعليمات من الرئاسة لوزير الداخلية، حبيب العادلي، ببناء الكنيسة. أما بالنسبة للمحافظ، فزكريا رد وقاله: "معقول يبقى فيه محافظ اسمه أكلمنديس؟"! لكن اتعين محافظ مسيحي بالفعل وكان لوا جيش. ومع مشكلات بناء الكنايس والحوادث ضد الأقباط ظهرت أزمة بخصوص عيد الميلاد. والبداية لما اتصل البابا شنودة برفعت السعيد. وبعد التحية والسلام قاله: تصور فيه أستاذ في كلية الطب بيصمم يمتحن الطلاب المسيحيين شفوي يوم عيد الميلاد المجيد! وآخر مرة كان بيمتحن طالب مسيحي شفوي فسأله: اسمك إيه؟ فالطالب رد: مجدي فقاله: مجدي إيه؟ رد: إبراهيم. فقاله: إبراهيم إيه؟ الطالب رد: "بطاريس". وفي اللحظة دي الدكتور طرده وهو بيقول: أنا بسقط بطرس واحد. عاوزني أنجح بطاريس! ورغم إن البابا كان بيحكي الموقف بضحك كان بيتألم جدًا. واتصل رفعت السعيد بالرئيس مبارك وبلغه باللي قاله البابا كله. وتاني يوم زكريا عزمي اتصل وقاله: "خلاص يا سيدي.. الرئيس هيطلع قرار إن يوم 7 يناير أجازة رسمي بمناسبة عيد الميلاد". وفي أول لقاء بعدها بين مبارك وشنودة.. البابا شكره على الأجازة. مبارك رد وقال: "أنا بفكر عيد القيامة يبقى أجازة هو كمان". وهنا البابا قاله: "لا. سيادة الرئيس.. الموضوع ده هيفتح باب للخلاف.. إحنا متفقين على ميلاد السيد المسيح لكن مختلفين على قيامته". ومبارك ابتسم وقاله: "طلعت أشطر مننا". رحم الله الجميع وغفر لهم.

About