@manendante3: በጫካ ውስጥ "ባሩንዳ" የሚባል ሁለት ራስ ግን አንድ አካልና አንድ ሆድ ያለው ወፍ ነበር። የቀኙ ራስ አስተዋይና ታጋሽ ሲሆን፣ ግራ ኛው ራስ ደግሞ ምቀኛና ቶሎ የሚቆጣ ነበር። አንድ ቀን ቀኙ ራስ በጣም አንድ ጣፋጭ ፍሬ አግኝቶ በልቶ ፍሬው በጣም ጣፋጭ እንደነበረ ይናገራል።ይህንን የሰማው የግራ ኛው ራስ በቅናት 'እንዴት አላካፈልከኝም ከመዋጥህ በፊት?'። ብሎ ቀኙ ላይ ጮኸበት። ቀኙ ራስ "ወንድሜ እኔ ብበላው ወይም አንተ ብትበላው ምን ልዩነት አለው? ሆዳችን እኮ አንድ ነው፣ ለአንተም ይጠቅማል" አለው። ግራው ሊሰማው አልቻለም። በጥላቻ ተሞልቶ በቀልን ያጠነጥን ጀመር። ከጥቂት ቀናት በኋላ፣ የግራ ኛው ራስ መሬት ላይ መርዛማ ፍሬ ያያል። "ይህንን መርዝ በልቼ ያንን ቀኝ ኛውን ራስ እገድለዋለሁ!" ብሎ ይነሳል። ቀኙ ራስ እየለመነው "እባክህ እንዳታደርገው! መርዙን ከበላኸው የምንሞተው ሁለታችንም ነን!" እያለ ቢጮኽም፣ የግራ ኛው ራስ ግን መርዙን ዋጠው። ብዙም ሳይቆይ መርዙ በአንድ አካላቸው ውስጥ ተሰራጭቶ ሁለቱም ራሶች በስቃይ ህይወታቸው አለፈች። በቤተሰብ፣ በማህበረሰብም ሆነ በሀገር ደረጃ ሁላችንም የተለያየ ሃሳብ (ሁለት ራስ) ቢኖረን፤ የምንጋራው ህይወት ግን አንድ አካል ነው። ሌላውን ለመጉዳት የምንረጨው መርዝ፣ በመጨረሻ እኛኑ መልሶ ያጠፋናል።ሌላው ሲጠፋ አብረን እንደምንጠፋ ካወቅን፣ ጥላቻን ትተን በፍቅር መኖር እንጀምራለን። ፍትህ በግፍ ለታሰሩ መምህራኖቻችን