@xexvoi: هزيت راسي ب أي ورجعت ضهري ليورا ستندت ع القنفه وخليت ايدي ع وجهي بتوتر ريف :ـ يمهه مجاي استوعب وعليي جنت متظره هل لحضه من امداج شهد :ـ كافي سكتنن خلي استوعب شصخمت وشكلت ريف :ـ انجبيي كلتي وافقت اصير زوج غيث ... ضحكنه كلنه عَ جفصتها وهيه غمت كصتها سدن :ـ زوج غيث ههههههههه يمهه شجاج اليوم ولجج رفيوه شهد :ـ تصير تصير بـ ارقه العوائل هههههه ريف :ـ وعلي هاي من ورا الحماس انسن هسه خلي نفهم سالفة هاي شهد :ـ شتفهمين ولج مو كلت اي وافقت ريتاج :ـ وشوكت تكولين للعائلة التعيسه شهد :ـ خلي اشوف باجر احجي ويا ماما واشوف ردت فعلها وبعدين اكول للـ ڪُل سدن : وغيث يدري؟ شهد : لا مايدري انا موافقه ريف : جا شـمنتظره يـحضي ماتكليله شهد : اي بعدين اراسله ريف : هسه راسلي شهد : يمهه انجبي عيب باجر اكله سدن : لاا هسه راسلي ترا كاعد اخويه واعرفه ماينام هيج وقت شهد : لا تلحنن ولجن بعدين اراسله ريتاج هزت جتفها وصفكت بخفه وتحجي بحماس _ عروستنا كمر فدوه شحلاها كامت ريف وشمرت نفسها عليَ وباستني بخدي وكامن البنات وكلهن شمرن نفسن عليَ ويبوسن بيه وباركلي ويضحكن شهد : يمهه ختنكتت وخرنن تبعدن عني وريف تمددت بالكاع وتباوعلي بنظرات خبث ريف : يعنيي من هسه لازم نبدي نشتري فساتين شهد : ولجج انطي مجال انتِ بسرعة تريد تشتري فستان يجوز ماما ماتوافق وابويه هم يجوز مايوافق سدن : انجبي شنو مايوافقون ابوج هوَ كال بلسانه شهد ازوجها لغيث ريف : عدنه ديجي فوك باجر انزله ونشغل اغاني ونركص واخلي عمه زينب تركص ويانه ضحكته ڪلنه بنفس اللحضه وبين الضحك انفتح باب غـرفة خالتي مـها وطلعت ماما وتعاين الـنا بستغراب خديجه : شبيجن بس تكهكهنن شوكت تنـام سكتنه كـلنه ووحده تباوع بوجه الـثانيه ريتاج : اي ماما هسه ننمام ضيكت ماما عيونها ورجعت دخلت وهيه تهز براسها واول ماسدت الباب خلينه ايدنه عَ حلكنه نكتم الضـحكه ريتاج مدت ايـدها وخـذت تـلفوني من حضني ريتاج : دجيبيي شهد : شتسوين بي ريتاج : اراسله انـا شهكت بـصدمه وسـحبت الـتلفون من ايدها بسرعة _ دكعدي وسكتيي يمه تريد تراسله بهل وكت ريف : شجاجج شهد دراسلي هسه مو شلعتي كلبنة تقربت سدن يـمي وباستني بخدي _ والله فرحتلج من كل كلبي انـدارت عَ البنات وتحجي وتغور بيهن _ حبيبتي مرة اخـويَ العزيزهه ريتاج : ياا كبر عَ شنو تغورينه سدن : راح تجي يمنه ونكضيها طلعات وطبات هههههههه علعنادجنن ضلن يتناكرن وكلهن يحجن بـنفس الوقت وصارت هوسه شـهد : ولجنن كافي شنو زعاطيط هسه تطلع امي وترزلنه ريف : ماتحجين ويَ هايي بس تغور بينه انداريت عَ سدن وحجيت بضحك _ كافي انتِ سكتيي اندارت سدن عليهن وحجت بهمس _ راح تجي يميي وما حس غير ريف شـالت مخده وشمرتها عَ سدن وكامن ريف وريتاج ونامن فوك سدن وضلن يضربن بيها بالـمخده وانا اضحك بـشكهل هستيري عـليهن وصوت كـهكهتي عاليه شهد : ولجنن كافي راح تطلع امي والله وبالحضه انفتح باب الـغرفة وطلعت خـالتي مها وهيه عاكده حواجبها بـعصبيه مها : وسمم شنو هاي الهوسهه وانتن شكو نايمات فوك البنيه كلنه وجهنه انظارنه الخـالتي وريف شمرت اللحاف عَ سدن وغطتها ريف : ماكو شي ماما بس كمت غطيت سدن جانت بردانه مها : بردانه لو جنتن متذابحات ماكدرنه نلزم ضحكتنه وضحكنه كلنه وخالتي مها اجتي يمنه وكالت : اسكتن ولجن فضحتنهه نامن هسه يلا كداميي كلنه تمددنه بفراشنا وخالتي واكفه فوك راسنه تخوزر بينه مها : نامن باجر من الصبح اكعدجن تغسلن الزوالي عقاب الجن وخلي اسمع وحده تكول نعسانه اله اغسلها بدال الزوالي هزينه راسنه بـ موافقه ورجعت دخلت للغرفه سدن حجـت : كله من ورا ريف وريتاج ريف : احنه لو انـتِ الـتغورين بينه شهد : لا انتِ ولا انتِ الصوج بينه لو محاجيه احسن صار هدوء بالصاله لحد ما بدينه وحده وحده يغلبنه الـنعاس طفينه الضوه وغمضت عيوني بس الـنوم ماجاني كل شويه افتـح تلفوني اباوع عَ الشاشة وارجع اطفيه ريف رفـعت راسها من الـمخده وهمست ريف : بعدج كـاعده؟ شهـد : اي ريف : تفكريت بغـيث؟ عضـيت شـفتي بـخجل وشمرت الـمخده عليها شهد : انجبي ونامي ضحكت ريف بـخفه ورجعـت تمـددت سدن : شجايي تحجنن ريف : يمهه اذانها يمنه مجاي نحجي شي نامي وبعدها هدينه وكل وحـده غطت نفسها باللـحاف ومع هـدوء اليل وصوت الـسبلت الـخفيف بدينه وحده ورا الثانيه ننام #قصتي #شَـهد #explore

شَـهد

Open In TikTok:

Region: IQ

Wednesday 10 June 2026 15:52:00 GMT