ملی شھید مولانا خانزیبؒ کی شہادت کو ایک سال مکمل ہونے پر پیغام 10 جولائی 2026ء ملی شہید مولانا خانزیبؒ دینی اور قومی فکر و عمل کے حامل، اس دور کے امن کے داعی، مصلح، اتحاد کے علمبردار، سیاسی کارکن، خدائی خدمتگار اور قومی ہیرو تھے۔ انہوں نے علم و شعور کی روشنی عام کرنے کے لیے خود کو اپنی قوم کے ساتھ جوڑے رکھا۔ وہ باوقار، صاحب فکر اور باشعور پشتونوں کی صف میں نمایاں مقام رکھتے تھے۔ وہ لوگوں کو امن کی اہمیت اور اس کی ضرورت سے آگاہ کرتے تھے۔ وہ گاؤں ، بستیوں، حجروں، مساجد، تعلیمی اداروں اور قومی جرگوں تک پہنچتے اور اس نازک تاریخی دور میں زخمی دلوں کو تسلی دینے کی کوشش کرتے تھے۔ پشتون سرزمین پر بدامنی اور سخت حالات کے باوجود وہ خاموش نہیں رہے۔ وہ علاقے میں پہاڑ کی مانند آندھیوں اور طوفانوں کے سامنے ڈٹے رہے۔ وہ مثبت سوچ رکھنے والے، انقلابی رہنما اور عمل سے بھرپور شخصیت کے مالک تھے۔ انہوں نے اپنی زندگی عوام کی آگاہی، اتحاد اور اللہ تعالیٰ کی رضا کے لیے وقف کر رکھی تھی۔ مولانا خانزیبؒ گہری علمی بصیرت رکھتے تھے۔ وہ جید عالم دین، سیاسی و اقتصادی شعور رکھنے والے اچھے ادیب اور متعدد جدید علوم پر عبور رکھنے والی شخصیت تھے۔ ان کا فکری اور علمی ورثہ ان کی کتب، تقاریر اور عملی جدوجہد کی صورت میں موجود ہے۔ انہوں نے امن، استقامت، علم اور عمل پر مبنی ایک روشن راستہ اور قابل فخر دور قائم کیا۔ وہ مضبوط ایمان، دیانت دار کردار، اخلاص، جرات اور اعتماد کے مالک تھے۔ ان کی بات پختہ ہوتی تھی، وقت کی قدر کرتے تھے اور اصولوں کی سختی سے پابندی کرتے تھے۔ انہوں نے اپنے لیے کبھی کچھ نہیں چاہا بلکہ ہمیشہ مخلوق خدا کی بھلائی کو ترجیح دی۔ وہ حالاتِ حاضرہ اور عالمی امور پر گہری نظر رکھتے تھے اور اعلیٰ فکری صلاحیتوں کے حامل نظریہ ساز تھے۔ ہم امید کرتے ہیں کہ مولانا خانزیبؒ کی سوانح حیات اور ان کی تصانیف کو نصاب تعلیم کا حصہ بنایا جائے گا۔ ان کی زندگی کے بے شمار پہلو ایسے ہیں جن پر محققین کو مزید تحقیق کرنی چاہیے۔ گزشتہ سال 10 جولائی 2025ء کو علاقے میں امن تحریک کی مہم کے دوران مولانا خانزیبؒ ایک دہشت گرد حملے میں نشانہ بنے اور شھید ہوئے۔ اس حملے میں سپاہی شیرزادہ بھی شہید ہوئے، جبکہ ڈاکٹر طارق، عثمان اور شیخ شہسوار شدید زخمی ہوئے۔ عثمان اور شیخ شہسوار آج تک مکمل طور پر چلنے کے قابل نہیں ہو سکے ہیں۔ شہید مولانا خانزیبؒ ایک بے داغ کردار کے مالک تھے۔ ہمارے خاندان نے حکومت وقت کی طرف سے دی جانے والی ایک کروڑ روپے (دس ملین) کی امدادی رقم قبول نہ کرنے سے بھی معزرت کرلی ہیں۔ بقول کاظم خان شیدا پانی کی طرح رواں دواں اپنی راہ پر چلتے رہو، تاکہ تمہارا پاک دامن گرد و غبار سے محفوظ رہے ملی شہید مولانا خانزیبؒ کا فکر و کردار ہمیشہ زندہ رہے گا اور ان کی جدوجہد جاری رہے گی۔ انہوں نے اپنا سر تو قربان کر دیا مگر اپنا مورچہ اور نظریہ نہیں چھوڑا۔ 10 جولائی 2026ء کو ان کی شہادت کو ایک سال مکمل ہو رہا ہے۔ اس موقع پر ہم تمام ساتھیوں، دوستوں، مذہبی علماء، میڈیا کارکنوں، ادیبوں، دانشوروں، وکلاء برادری، سماجی و فلاحی تنظیموں، انسانی حقوق کے اداروں اور زندگی کے ہر شعبے سے وابستہ افراد تک اپنا پیغام پہنچانا چاہتے ہیں کہ وہ اپنے اپنے گھروں، گاؤں ، دیہاتوں ، علاقوں، ملک اور بیرونِ ملک میں شہید مولانا خانزیبؒ کی یاد میں اجتماعات، سیمینارز، جرگے، کانفرنسیں، قرآن خوانی، سٹڈی سرکلز، دعائیہ تقریبات اور فکری مذاکرے منعقد کریں۔ کیونکہ مولانا خانزیبؒ پوری قوم اور وطن کا قیمتی اثاثہ تھے۔ یہ سرگرمیاں ان کی روح کے لیے ایصال ثواب کا ذریعہ بننے کے ساتھ ساتھ عوام اور سرزمین کے مفاد میں بھی ہوں گی۔ امن، ترقی اور خوشحالی کے لیے ضروری ہے کہ ان کی زندگی اور جدوجہد پر مسلسل اور وسیع پیمانے پر کام کیا جائے تاکہ ان کی تعلیمات کے مطابق ذہن سازی ہو، قومی شعور بیدار ہو اور ملی جذبہ مضبوط ہو۔ یہ بہادروں کی سرزمین ہے ، اس لیے ملی ث مولانا خانزیبؒ اور دیگر قومی ہیروز کو یاد کرنا ہمارا مذہبی اور قومی فریضہ ہے۔ یہ بات بھی قابل ذکر ہے کہ ملی شہید مولانا خانزیبؒ امن کے حامی، دین کے خادم، قوم کے ترجمان اور انسانیت کے رہنما تھے۔ وہ حقوق اللہ اور حقوق العباد دونوں کے سختی سے پابند اور ان کے علمبردار تھے۔ آئیے عہد کریں کہ ہم ہر شخص تک امن کا پیغام پہنچائیں گے اور صلح و آشتی کا دامن پھیلائیں گے۔ تاریخ میں غیرت کے ساتھ اس کا نام یاد رکھا جائے گا جو قوم اور وطن کے لیے قربانی دیتا ہے۔ شیخ جہان زادہ رکن مرکزی کونسل، عوامی نیشنل پارٹی #maulanakhanzeb #maulanakhanzeb1stanniversary #maulanakhanzebpeaceambassador#deartiktokteam #pleasegoviral - @astheticpakhtun01