@wafaa.a.horakli: طريقة استخراج قشور السيليوم (البيسليوم) 👍🏻 تابعوني إذا أول مرة بتشوفوا حسابي 🌸 بالفيديو الماضي حضرنا مع بعض خبز صحي بدون طحين، باستخدام طحين اللوز وقشور السيليوم، وكثير منكم سألني شو هي قشور السيليوم ومن وين منجيبها، فحبيت شارككم الطريقة اللي بستخرج فيها القشور بالبيت 👍🏻 كل اللي بنحتاجه هو بذور القاطونة من عند العطار 👌 ممكن تلاقوها بأسماء مختلفة: • القطونة أو بذور القاطونة (الاسم الشائع بالشام) • الإسبغول أو الإسبغول الهندي • لسان الحمل الهندي • بالإنكليزي: Psyllium أو Psyllium Husk • بالتركي: Karnıyarık otu tohumu طريقة التحضير سهلة جداً 👌 بنطحن البذور بمطحنة البهارات، لحتى تنفصل القشور عن البذور، وبعدها بننخلها بمصفاية ناعمة كتير. أنا استخدمت 400g من بذور القاطونة، وحصلت على حوالي 100g من قشور السيليوم 👍🏻 وبس هيك، بحتفظ بالقشور لوقت الحاجة، وكمان البذور ما بكبها، برجع بحتفظ فيها وبضيفها للمخبوزات والوصفات اللي بحضرها 🥰 😍 فوائد بذور وقشور السيليوم: ✅ غنية جداً بالألياف الذائبة بالماء. ✅ بتساعد على تنظيم حركة الأمعاء والتخفيف من الإمساك. ✅ بتعطي إحساس بالشبع لفترة أطول، وهاد الشي بيساعد على التحكم بالشهية. ✅ بتساعد على تنظيم مستوى السكر بالدم من خلال إبطاء امتصاص الكربوهيدرات. ✅ ممكن تساهم بخفض الكوليسترول الضار ودعم صحة القلب. ✅ بتغذي البكتيريا النافعة بالأمعاء وبتدعم صحة الجهاز الهضمي. ✅ ممكن تساعد بعض الأشخاص بالتخفيف من أعراض القولون العصبي. ✅ ممتازة بالمخبوزات الصحية واللو كارب، لأنها بتعطي العجين تماسك ومرونة أفضل. ⚠️ ملاحظة مهمة: وقت استخدام السيليوم لازم نشرب كمية كافية من الماء، ويفضل نبدأ بكميات صغيرة ونزيدها تدريجياً لتجنب النفخة أو الانزعاج الهضمي. 🌿 معلومة: قشور السيليوم فيها نسبة ألياف أعلى من البذور الكاملة، لذلك هي الأكثر استخداماً بالخبز الصحي ووصفات اللوكاوب 🌺🌺🌺 #مخبوزات #وصفات_صحيه #معجنات #اكسبلورexplore #اكلات_صحيه