@1oav0: أعرف ناس جانوا قريبين كلش مو يوم ولا شهر من بيئة مختلفه ان هي جانت وحيده اهلها ؟ واصله بل دراسة ويعني فجاه من خلال برنامج تعرفت على شاب وهو تيك توك وزاد الحب والتعلق سنين حب وتعلّق ووعد هو جان يغار عليها ويحسبلها ألف حساب وهي جانت تسوي المستحيل حتى ترضيه معرفها على أهله وأمه وخالاته واهله يعرفوها والكل يشهد شكد جانت متمسكة بيه وشكد جان هو مبين متمسك بيها ويعني جان كل شيء تكول ان معقول هذا حبهم ! جان الحب مالتهم مو طبيعي كله تغير حال وهي صارت ترضي وغيرت من حياتها صارت تتقرب إلى الله وصارت تلبس محتشم ! وهي سافره وجانت تحاول كل شيء مهم هوًراضي !!! وجان واضح ان هو ما عنده اي نيه وجانت بكل مناسبه تسويله احتفال وجانت تحب أهله وكل شخص ب أهله يصادف عيد ميلاده جانت تسوي الهم ! وجانت تفرح عائله كاملة تخيلوا ؟ من صير خلاف جان الي يراضهم هو ابو جان يراضي وأمه جانت هم ما تقبل يزعلها ؟ لحد ما هل الأيام طلع مسوي اله هايد ! وهنا الصدمة طلع متزوج !؟ وعرسه بس مو منها 😔. وهنا هي عرفت الصدمة ان ُ هي خسرت دراستها وخسرت صحتها وخسرت نفسيتها وهي وحيده اهلها ! فقدت ثقة أبوها فقدت كل ضحكة بيها بس الغريب مو هنا… الغريب شلون بكم يوم تنقلب السالفة كلها؟ شلون سنين من الحچي والوعود والغيرة والاهتمام تروح كأنها ما كانت؟ شلون شخص جان يجمع أحلام وياها، يطلع يجمع فلوس لوحدة غيرها يمكن الناس تتغير، ويمكن القلوب تتبدل، بس أكو أشياء تبقى صعبة الفهم… شلون واحد يعطي أمان ووعد لبنية، ويخليها تبني أحلامها عليه، وبعدين يتركها تواجه الركام وحدها ! البنية من تحب مو بس تعلگ شخص تعلگ عمر كامل وأحلام ومستقبل. ومن ينكسر هالشي، مو سهل ترجع مثل قبل. تبقى تضحك بس مو من قلب، وتحچي بس مو مثل قبل، وتعيش بس جزء منها يظل مكسور 🪽.

﮼فاء 6 🐆.

Open In TikTok:

Region: IQ

Thursday 11 June 2026 08:22:30 GMT