@5ww0o: يامرحبا والقصيد ان جتني افكاره خذت منه مايرضي ذوق جمهوره والنفس يابو حشر بالسوء أمّارة لكنها لاذنبت ماهيب معذوره واللي دخل بالغرام ويجهل اخطاره يبطى ونفسه من اللوعات مقهوره مثلي دخلت الغرام وضعت بدياره وامسيت غرقان في شاطيه وبحوره إليا هدا الشوق تاره يشتعل تاره ولو استر الشوق ما الاشواق مستوره اشتقت للي يذوب بصدره ازراره ومن وسع عينه يذوب الكحل في حوره ولولاه ماتسري اللكزس لجراره في ليلةٍ بارده والارض ممطوره يدٍ على القير والاخرى على الطاره ودموع عيني على الخدين منثوره دخلت برماح والاعصاب منهاره وعديت شويه ونفسي غير مسروره الين اجي شارعه وامر دواره وآخذ على بيتهم دوره ورى دوره ويذبحني الشوق واسير على جاره الين جاره زهق من كثر مازوره واقول ياليتني ساكن بهالحاره في جنب بيته وسور البيت هو سوره اقل مابه لاضقت اقبّل جداره والا لاهب الهوى تاصلني عطوره آخر هداياه لي ساعه ونظّاره وجرحٍ لهالحين نفسي منه مخطوره. #في_ارض_الله_الواسعة #بـاشـة_الـصـنـدوق✨