#creatorsearchinsights . ☯️ ( ဒီဘဝ... တန်-မတန် ) လူဘဝရခဲတယ်၊ ဟုတ် မဟုတ်ကို အိမ်ထဲကပိုးမွှားလေးတွေအရေအတွက်နဲ့ပဲနှိုင်းယှဉ်ကြည့်လိုက်ပါ၊ အိမ်သားက (၄-၅) ယောက်၊ ပိုးမွှားတွေက အရာအထောင်၊ တောတောင် လယ်ကွင်း ပင်လယ်သမုဒ္ဒရာက သတ္တဝါတွေမပါသေး၊ ရခဲလှတဲ့ လူဘဝမှာ အတိတ်အကျိုးပေးကြောင့် ဆူကြုံနိမ့်မြင့်ကွာကြတယ်၊ ဒီဘဝ ကုသိုလ်အကျိုးဆက်ပါမှ နောင်သံသရာဘဝတွေရော အခုရဲ့နှောင်းကာလတွေရော အဆင်ပြေကြမှာ၊ တချို့က မျက်မွှေးတဆုံးပဲကြည့်တတ်ကြပြီး၊ အနည်းစုကသာ မျက်စေ့တဆုံးမြင်နိုင်ကြတာ၊ အရာရာဟာ တခဏတာတွေချည်းပါပဲ၊ မျက်မွှေးတဆုံးလောက်သာကြည့်ရင် အကုသိုလ်များတယ်၊ ရေပွက်ပမာ တဘဝစာဟာ နောက်ဆုံးတော့ မျက်တောင်တခတ်စာပဲ၊ ဒီဘဝ ကုသိုလ်နဲ့ယှဉ်ရင် နှောင်းဘဝရော စုတိချိန်မှာရော Exit ကောင်းလိမ့်မယ်၊ ဒီဘဝ Exit ကနောက်ဘဝရဲ့ ဖြစ်တည်မှု Existence ပဲ၊ စုတိမကောင်းရင်... နောက်ဘဝလဲမကောင်းတတ်ဘူး၊ ဘဝမပြတ်နိုင်ကြသေးတာချင်းတူရင် သုဂတိဘုံမှာကျင်လည်နိုင်အောင်တော့ ဉာဏ်အရာနဲ့ကူရင်ရတယ်၊ ဉာဏ်အရာနည်းလို့ လောဘ၊ ဒေါသ၊ မောဟစိတ်များရင်တော့ ဒုဂတိဘုံရောက်ဖို့များတယ်၊ ဒုဂတိဘုံရောက်ရင် အပေါ်ပြန်မတက်နိုင်ဘူးလို့ဆိုတာ အလကားမဟုတ်ဘူး၊ ဒုဂတိဘုံသားတွေဟာ ဆင်းရဲခြင်းအပြည့်ဖြစ်နေတာရယ်၊ ကုသိုလ်ပြုခွင့်မရှိကြတာရယ်၊ တရားတော်ကိုကြားရင်တောင် အဓိပ္ပာယ် မသိနိုင်ကြတာရယ်တွေကြောင့် အောက်ဘုံတွေမှာပဲ လည်ပါတ်ဖို့များသွားလို့ပါ၊ ဒီတော့... ဒီဘဝလူလာဖြစ်ရကျိုး တန်-မတန် ပြန်ဆင်ခြင်သင့်ကြတယ်၊ အရာအားလုံးမှာ "ဉာဏ်ယှဉ်နှိုင်ရင်" တန်တဲ့ဘဝကို ပိုင်ဆိုင်ကြမှာဖြစ်ပြီး၊ ဉာဏ်နည်းလွန်းရင်တော့ လူ့ပြည်ကိုခဏတာ ရောက်လာသူပဲဖြစ်ကြပါလိမ့်မယ်၊ နေဇင်လတ် ☯️ . - @zayartungmail.com2