@shine039150: 🙏 လွန်ခဲ့တဲ့ နှစ်ပေါင်း ၁၅၀၀ က အသံကို ပြန်ကြားရခြင်း - ဓမ္မရုဝန် (Dhammaruwan) 🙏 သီရိလင်္ကာနိုင်ငံ၊ ကန္ဒီမြို့မှာ ၁၉၆၈ ခုနှစ်က ထူးခြားတဲ့ ကလေးငယ်တစ်ယောက် မွေးဖွားခဲ့ပါတယ်။ သူ့နာမည်က ဓမ္မရုဝန် (Dhammaruwan) ပါ။ သူဟာ အသက် ၂ နှစ်ခွဲအရွယ်၊ စာမဖတ်တတ်သေးခင်ကတည်းက ဘယ်သူမှသင်မပေးဘဲ ရှေးဟောင်းပါဠိတော်တွေကို နာရီပေါင်းများစွာ ရွတ်ဆိုနိုင်ခဲ့လို့ တစ်ကမ္ဘာလုံးက ဗုဒ္ဓဘာသာသုတေသီတွေကို အံ့အားသင့်စေခဲ့ပါတယ်။ သူရွတ်ဆိုတဲ့ပုံစံဟာ အခုခေတ် သီရိလင်္ကာ၊ မြန်မာ ဒါမှမဟုတ် ထိုင်း လေယူလေသိမ်းမျိုး မဟုတ်ဘဲ အေဒီ ၅ ရာစု (လွန်ခဲ့တဲ့ နှစ် ၁၅၀၀ ကျော်) က အနုရာဓပူရခေတ်ဟောင်း လေသံမျိုး ဖြစ်နေပါတယ်။ ဓမ္မစကြာသုတ်ကို ရွတ်ဆိုရာမှာ လက်ရှိစာအုပ်တွေထဲမှာ မပါတော့တဲ့ နတ်ဗြဟ္မာတွေ အဆင့်ဆင့် ကောင်းချီးပေးတဲ့ အပိုင်းတွေ ပိုနေပြီး၊ ပိုမိုပြည့်စုံတဲ့ ရှေးဟောင်းမူတစ်ခုကို ရွတ်ဆိုနေခြင်း ဖြစ်ပါတယ်။ သူဟာ အတိတ်ဘဝကို ပြန်လည်မှတ်မိတဲ့ ဇာတိဿရဉာဏ် ရရှိထားသူလို့ ယူဆကြပါတယ်။ဓမ္မရုဝန်ရဲ့ ပြောပြချက်အရ သူဟာ အေဒီ ၅ ရာစုက သီရိလင်္ကာ၊ မဟာဝိဟာရကျောင်းတော်မှာ သီတင်းသုံးခဲ့တဲ့ "သမ္မတ" (Sammata) အမည်ရှိတဲ့ ဒီဃနိကာယ်ဆောင် (Dighabhāṇaka) ရဟန်းတစ်ပါး ဖြစ်ခဲ့ပါတယ်။ ထူးခြားတာကတော့ အဲဒီခေတ်မှာ အိန္ဒိယကနေ ကြွရောက်လာတဲ့ အဋ္ဌကထာဆရာ အရှင်မဟာဗုဒ္ဓဃောသ ကို အဋ္ဌကထာကျမ်းတွေ ပြုစုတဲ့နေရာမှာ ပါဠိတော်တွေကို နှုတ်တိုက်ရွတ်ဆို ကူညီပေးခဲ့ရသူ ဖြစ်တယ်လို့ ဆိုပါတယ်။ ဂျာမန်ရဟန်းတော် ဘိက္ခုအနာလယော ကဲ့သို့သော ပညာရှင်များက ဓမ္မရုဝန်ရဲ့ အသံသွင်းချက်တွေကို သုတေသနပြုခဲ့ကြပါတယ်။ သူတို့ရဲ့ အဆိုအရ ဒီဖြစ်ရပ်ဟာ "သေပြီးနောက် တစ်ဖန်ပြန်လည်မွေးဖွားခြင်း" (Rebirth) အတွက် ခိုင်လုံတဲ့ သာဓကတစ်ခုဖြစ်ပြီး၊ ဗုဒ္ဓဘာသာကျမ်းစာတွေဟာ နှစ်ပေါင်းထောင်ချီ ကြာမြင့်ပေမယ့် မူရင်းဒေသနာတော်တွေနဲ့ ၈၀-၉၀% ကျော် တူညီနေသေးကြောင်း သက်သေပြနေပါတယ်။ အတိတ်ဘဝက အသံတွေကို ပြန်လည်ကြားယောင်စေတဲ့ ဓမ္မရုဝန်ရဲ့ ရွတ်ဖတ်ပူဇော်မှုတွေကို အခုထိ အွန်လိုင်းမှာ နားဆင်နိုင်သေးတယ်။ အခု ဒီဗီဒီယိုမှာတော့ ဓမ္မရုဝန်ရွတ်ဖတ်ပူဇော်ထားတဲ့ ဓမ္မစကြာသုတ်တော်ကို ကောက်နုတ်ဖော်ပြလိုက်ပါတယ်။ယခုလက်ရှိမှာတော့ ဓမ္မရုဝန်ဟာ Bhikkhu Samadhikusala (ဘိက္ခု သမာဓိကုသလ) ဘွဲ့တော်နဲ့ ဗုဒ္ဓသားတော်အဖြစ်ခံယူပြီး သီရိလင်္ကာမှာပဲ မြတ်စွာဘုရားရဲ့ တရားတော်တွေကို ပြန်လည်သင်ကြားပို့ချနေပြီး၊ တရားအားထုတ် ကမ္မဋ္ဌာန်းထိုင်တာတွေကိုပါ သင်တန်းပေးနေလျက်ရှိပါတယ်ခင်ဗျာ။#ဗုဒ္ဓံသရဏံဂစ္ဆာမိပါဘုရား #ဓမ္မံသရဏံဂစ္ဆာမိပါဘုရား🙏 #သံဃာသရဏံဂိစ္ဆာမိပါဘုရား #တရားတော်များ #ဓမ္မရုဝန်

Shine Htet Aung

Open In TikTok:

Region: MM

Thursday 11 June 2026 12:43:04 GMT