Belated Happy Birthday, Ninong Ser Geybin! 🎉 I’m sharing this unreleased video of the three of us, without any context. Pero para sa akin, hindi niya kailangan ng paliwanag. Isa kasi ito sa mga pinaka-genuine at pinaka-totoong moments na na-share ko kasama kayo ni Ninang Mam Elma. Maaaring halos araw-araw kayong nakikita ng mga tao sa vlogs na nagtatawanan, nagkukulitan, at magkasama. Pero sa ilang oras na nakasama ko kayo ng personal, may isang bagay akong hindi malilimutan—kung gaano kayo ka-genuine sa isa’t isa. Ramdam ko kung gaano kayo ka-fond sa isa’t isa, at kung gaano kalalim ang pagmamahal na meron kayo para sa isa’t isa. Walang perpektong tao at walang perpektong relasyon. Pero isang bagay ang sigurado ako: alam ninyo kung gaano ninyo kamahal ang isa’t isa, at sigurado kayo sa isa’t isa. At para sa akin, iyon ang isa sa pinakamagagandang klase ng pagmamahal na puwedeng matagpuan ng isang tao. Sa buhay, normal ang mapagod. Normal ding huminto sandali para magpahinga. Lalo na tayong mga content creators na halos 24/7 umaandar ang utak kakaisip kung paano makakagawa ng content na makakapagpasaya at makakatulong sa mga taong sumusubaybay sa atin. Pero sana, sa gitna ng lahat ng ibinibigay ninyo sa ibang tao, lagi ninyong maalala na mahalaga ring alagaan ang sarili. Kailangan din nating buuin ang sarili natin, dahil mas marami tayong naibibigay kapag tayo mismo ay masaya, payapa, at buo. Maraming salamat po, Ser Geybin, sa malaking impact na naiwan ninyo sa content creation journey ko. Hindi lang dahil sa mga content na ginawa ninyo, kundi dahil sa inspirasyong ibinigay ninyo sa maraming creators na katulad ko. Kung may Cong TV ka, ikaw naman ang “Cong TV” ko. Alam ko gets mo na ’yun. Hehe. Happy Birthday po ulit, Ninong. Dalangin ko ang mas mabuting kalusugan, mas maraming masasayang alaala, at mas marami pang biyayang dumating sa inyo ni Ninang at sa buong pamilya ninyo. Looking forward ako sa araw na magkikita-kita ulit tayo, magkukuwentuhan, magtatawanan, at gagawa ng panibagong memories. At feeling ko, mas malakas at mas masaya pa ang tawanan natin kaysa sa nasa video na ito. Maraming salamat po sa lahat, Ninong. God bless you always. 🤍✨ @Ser Geybin @elmaasagra #Leidz #SerGeybin #MamElma - @leidzofficial