كنا بنسمع الاغنيه دي من ٦ شهور وكنت بتقولي بتمني محدش فينا يسمعها علي التاني ٠ وانا اهو دلوقتي قاعده بسمعها وزعلانه علي حياتنا اللي ضاعت مش عارفه بقول الكلام ده ليه وممكن تشوفه ولا لا بس النهارده عدي ٣ شهور واحنا مش مع بعض وانا لسه واقفه عند نقطه معينه خايفه تبقي كده خلاص بجد و حياتنا تبقي خلصت مع بعض ، طول التلت ضهور دول مروحتش من بالي ف يوم والله وحشتني و وحشني كل حاجه كنا بنعملها سوا و وحشتني حياتي معاك اللي مكنتش بتخليني احتاج اي حد طول م انت موجود ، كل يوم بتمني يحصل حاجه ترجعلي الأمل اللي مبقاش موجود كل يوم بستني منك المكالمه اللي بتكلمهاني كل فتره واصبر نفسي بيها انها تديني الامل بس بتبقي مش فايق وتاني يوم تقولي خلاص ! بتلومني علي حاجات أنا عملتها بوظت حياتنا بس أنا نيتي مكنش اقصد بيها ابوظ حياتك زي م بتقول ولا أبعدنا عن بعض كنت دايما بتشعلق ف اي خيط يرجع حياتنا من تاني سوا حتي لو الطريقه غلط 'انت الراجل الوحيد اللي فكرت ان يبقي ليا معاه بيت وحياه من وسط اي حد عرفته انت الوحيد اللي عشمي فيه وثقتي فيه كانت كبيره من أفعالك معايا ، عمري م تخيلت انك مستني احبك واديك فرصه عشان نبقي كده وتاذيني بالشكل ده ، كل يوم كنت بعيشه معاك كان بيبقي أجمل يوم ف عمري مكنتش مخليني ازعل يوم كنت بتعملي كل حاجه عشان ترضيني مش عارفه ازاي دلوقتي كل حياتنا اتبدلت كده و انت قسيت عليا كده و بوظت كل حاجه كنا بنحلم بيها سوا بوظت البيت اللي رسمناه سوا و الحياه الحلوه اللي كنا متخيلين اننا هنعيشها كل م بمشي ف مكان و بشوفك صدفه قلبي بيبقي بيتحرق انك قدامي ومش عارفه اكلمك بعد كل الحلو اللي بينا ده ببقي نفسي اجري عليك واخدك ف حضني و اقولك ان الحياه من غيرك طلعت وحشه و صعبه اوي وانا لسه محبوسه ف ذكرياتنا مش عارفه اطلع منها ، لسه عندي وهم بيقول اننا هنرجع تاني وهنعمل البيت اللي كنا بنحلم بيه سوا كل يوم بدعي ربنا يحنن قلبك عليا وكل اللي بسمعوا يكون غلط ونبقي مع بعض من تاني عشان من وقت م مشيت وانا تايهه مش عارفه اعمل ايه حاجه • #fyppp #viralvideo #fypage - @mavayaaaaa