@zahra_72110: صبح ہوتے ہی پیغامات کا اک ہجوم اُمڈتا ہے، نصیحتوں، دعاؤں اور اقوال کا سیلاب بہتا ہے، ہر شخص مبلغ بنا پھرتا ہے زمانے میں، مگر اپنے ہی دل کا آئینہ دھندلا رہتا ہے۔ کوئی لکھتا ہے: "یہ پیغام دس لوگوں کو بھیجو"، "ورنہ محرومی تمہارا مقدر بن جائے گی"، ایمان کو بھی گنتی کے خانوں میں بانٹ دیا گیا، اور سچائی کہیں خاموش کھڑی شرمائے گی۔ ہم نے سمجھ لیا کہ صرف فارورڈ کرنا کافی ہے، جیسے نیکی کا حق بس یہی ادا کرنا کافی ہے، مگر بھوکے کے لیے روٹی کون لے کر جائے گا؟ مظلوم کے حق میں آواز کون اٹھائے گا؟ زبان پہ محبت کے قصے بہت سجتے ہیں، مگر دل میں حسد کے اندھیرے بھی پلتے ہیں، ہم امن کی تحریریں سب کو بھیج دیتے ہیں، اور اپنے گھروں میں جھگڑے بھی چلتے ہیں۔ کتنی عجیب بات ہے اس زمانے کی، ہم روشنی بانٹنے کے دعوے دار ہیں، مگر اپنے کردار کے چراغ بجھا بیٹھے ہیں، اور پھر بھی خود کو حق کا علمبردار ہیں۔ نبیوں کی سنت فقط تحریر میں باقی نہیں، وہ تو عمل کی خوشبو سے پہچانی جاتی ہے، جو بات زبان کہے، وہی ہاتھ بھی دکھلائیں، تب جا کر بندگی کی راہ سجائی جاتی ہے۔ اگر ثواب کی خواہش ہے تو قدم بڑھاؤ، کسی گرتے ہوئے انسان کو سہارا دے جاؤ، کسی یتیم کے چہرے پہ مسکراہٹ لکھ دو، کسی پریشان دل کو امید کا دیا دے جاؤ۔ فارورڈ بھی کرو، اگر بات سچی اور مفید ہو، مگر اس سے پہلے خود اس کا نمونہ بنو، کیونکہ دنیا کو پیغاموں سے زیادہ ضرورت ہے، ایسے انسانوں کی جو حق پر قائم رہیں اور سنوریں۔ ✍️ زَہْرَاء رَائِٹْس 💫 #creatorsearchinsights2026 #foryoupage #followformorevideo#trending #tiktokvirl

𓆰ᷝ ᷟ𝙕𝘼𝙃𝙍𝘼𓆪⃝⏤͟͟͞͞⚘𓆪

Open In TikTok:

Region: PK

Thursday 11 June 2026 14:59:17 GMT